بلح الشام راااااااااائع

المقادير .
2 كوب دقيق - 2 كوب ماء - ربع كوب زيت - 5 بيضات - ذره ملح - ذره سكر - فانيليا ( الكوب هنا كوب الماء الكبير )

الشربات لازم يكون تقيل جدا عملت 3 كوب سكر وكوب ماء ونص ليمونه
يعني 3 كوب سكر على كوب ماء يتحطوا على نار هادية لحد ما يغلوا نسيبهم يغلوا 3 دقايق ونعصر عليهم نص ليمونة ويغلوا كمان 5 دقايق على نار هادية ونطفي ونحط الفانيلا ونسيبه يبرد

اما العجينه

في الأول بنحط المايه على النار تغلي و أول لما المايه تغلي ننزل عليها بالزيت ونخليهم يغلوا كويس مع بعض وننزل بعدها بالدقيق ونكون حطين عليه ذرة السكر وذرة الملح ونقلب بسرعة علشان مايكلكعشى لغاية ما تلم وتعمل كورة كده وتفصل عن جناب الحلة وبعدين نشيلها ونسيبها تهدى خالص لحد ماتبرد وممكن تحطيها فى التلاجه مثلا بالليل وتانى يوم تكملى عليها بس انا سبتها لحد مابردت وكملت على طول

بعد ما تبرد كويس أوي نكسر بيضة وعليها شوية فانيلا ونعجن بإيدنا

لو عندك عجان يبقى أحسن لو مش عندك بلاش تستخدمي مضرب البيض عشان العجينة بتبقى تقيلة أوي على المضرب ممكن تبوظه)اكسري البيضة واعجني بإيدك لحد ماتختفى تماما فى العجينه

كرري نفس الموضوع مع باقى البيض كل بيضه لوحدها لحد ماتختفى فى العجينه وبس كده العجينه جاهزه
نبدأ بقى الشغل

تملي كيس الحلواني أو البلبلة و تجيبي مقص عشان تقصي العجينة وهي نازلة من البلبلة عشان تبقى شكلها مرتب زي بتاعة بره

لازم وحتماً ولابد يبقى باااااارد وغزيــــــــــر

يعني تحطي الزيت في الطاسة وتقومي حاطة بلح الشام وتحطيه على نار هاااااااادية

نبدأ نملى الطاسة على البارد متمليش الطاسة أوي عشان هاتتنفخ أوي
هاتلاقيه نزل فى اسفل الطاسه وبعدين ينتفخ ويطفوا وماتستعجليش عليه خلى النار هااااااااديه لحد مايحمر براحته دى اهم نقطه الصبببببببببببر عليه جدا وبعدين تشيليه وتحطيه فى الشربات طبعا ده اول دور وطبعا لما نشلتيه على ماخلصتى الزيت سخن هاتطفى وتسيبى الزيت يبرد خالص ولما تتاكدى انه برد تعملى الدورالثانى وهكذا اهم حاجه فعلا لازم الزيت يكون بارد وتهدى النار بس كده لما تطلعيه ترشى عليه جوز هند وتاكلوه بالف هنا

طبخ

القائمة الرئيسية

الصفحات

بلح الشام راااااااااائع

أخر المواضيع من قسم : حلويات

تعليقات

إرسال تعليق