طريقة ستيك لانتركوت بالتفصيل

حياكم الله ..

بسبب محبتي لمطعم لانتركوت وعشان اعتبره الذ ستيك ذقته بحثت كثير عن طريقة الصوص تبعهم ..

ومثل ماتعودت اي اكله بمطعم تعجبني لابد نقلدها (فيس يغمز )

للي مايعرفه هو مطعم متخصص بالستيك ،، والمميز فيه الصوص تبعهم الي فوق الستيك

عنده فروع كثير بالعالم من ضمنها باريس وسويسرا ودبي والرياض ..

الطريقه من قبل منزلتها بالانستقرام تبعي .. وهنا باذن الله بتكون بالتفصيل .. الصوص بهالطريقه جدا جدا لذييييذ

وبتجربونه بنفسكم .. وان شاءالله يعجبكم ..

نبدا .. بسم الله

اول شيء هذي جزء من المقادير صورتها ع السريع لكم ..

طبعا الاغراض من السوبرماركت في استراليا .. فعشان كذا تلقون انها غريبه شوي ..

لحم فيليه ستيك وتضربرنه بالة ضرب الستيك .. ضرب خفيف .. وتغسلونه وتحطونه بالشوايه الكهربائيه او باي تاوه عندكم

لها غطاء عشان تخلي لحم الستيك طري ..

وبهالصوره انا حطيت الستيك بتاوه لان ماعندي شوايه بملبورن ..

طبعا نغطيه ونخليه على نار هاديه .. عشان يستوي زين وبنفس الوقت يكون طري ..

بعدها نجهز الصوص .. عباره عن ..

بصل مكعبات نحمسه بشوية زبده مع شوية ثوم ..

طبعا نحمسه الى مايصير لونه ذهبي ..

بعدها نحط الكزبره المقطعه صغير والبقدونس ..

ونحط الروزماري .. والفلفل الاسود والكزبره الناشفه .. ومكعب ماجي او ملح حسب الرغبه ..

وبعدها نحط ماشروم شرائح .. معلب او طازج حسب الي تحبونه ..

ونحط ملعقتين خردل ديجون ...

والحين نضيف شوية مويه او موية دجاج و نخلي جميع هالمقادير تتسبك مع بعض على نار هاديه ..

اذا تسبك مع بعض نجيب القطاعه .. ونبدا نفرم المقادير كلها مع بعض ..

وهنا بعد ما انفرمت كلها فرم ناعم جدا مع بعض ..

بعد كذا نرجعها على النار .. ونضيف لها كريمة الطبخ .. كميه متوسطه ..

ونخليها الحين على نار هاديه لحد ماتتجانس مع الكريمه .. وتبدأ تفور نطفي عليها ..

وبهالوقت يكون اللحم استوى .. ونحطه بصحن التقديم ،،،

ونصب الصوص فوقه ..

.. وهنا خلصنا الستيك .. وصار جاهز للاكل ،، ( فيس يسعبل )

وبالعااافيه على قلوبكم ...

لمزيد من الطبخات تلقونها بهشتاقي بالانستقرام memokitchen#

طبخ