حياكم الله
حلا اليوم
التيراميسو TIRAMISU
أحد أنواع الحلويات الإيطالية الشهيرة التي انتشرت في كافة أنحاء العالم وجميع
المطاعم. معناها بالإنجليزية "PICK ME UP" اي "ارفعي معنوياتي" فهي تمنح
الطاقة للإنسان عند تناولها وذلك لتاثير السكر والكاكاو علىالجهاز العصبي.
وهذي مقادير الكريمه ،،
بيضه واحده
ثلاث دريم ويب
علبة كريمة خفق كامله
و٦ حبات مربعات جبن كيري
وزمان كنت اضيف له قشطه طازجه قشطة العلب حسب رغبتكم اذا حابين ضيفوها
اول شي نخفق البيضه لحد مايتكون عندنا خليط مثل الصابون منفوش
وهنا لما صار خليط منفوش
بعدها نضيف له الكريمه بالتدريج ،، والجبن والدريم ويب
ونستمر بالخلط ،، الفكره في التيراميسو ،، الخلط بسرعه ومده طويله عشان يعطينا كريمه متماسكه وقوامها حلو
لاحظو بالصوره كيف الكريمه متماسكه ،، ومو سايحه ابدا ،، كل الفكره بالخلط المستمر
بعدها نجيب صحن التقديم او الصينيه ونبدا نصف بسكوت التيراميسو فيها
اسمه LADYFINGERS
وانصحكم بهالنوع من البسكوت اعتبره افضل شركه ،، موجود بالرياض في التميمي والدانوب ،، وبملبورن بكولز ووال وارث
ونجيب صحن فيه مويه وملعقة نسكافيه وملعقة سكر نذوبها بالمويه ونغمس البسكوت فيه ،،
البسكوت يدووب غمسيه مره وحده وارفعوه على طول لانه بعد ماتحطين الكريمه فوقه ويذخل الثلاجه يلين اكثر وحلات التيراميسو ثاني تاكلونه ،،، يعني الافضل انكم تسوونه قبل بليله ،،
الحين نبدا الصف ،، اول طبقه تكون بسكوت ،،
وثاني طبقه كريمه ،، وهكذا ..
طبعا طريقة تقديم التيراميسو ،، على راحتكم ممكن تصفونه كله بصينيه وتقطعونه بعدين ،،
وممكن كاسات صغيره حسب الي تحبونه ،، وتبدعون فيه ،،
واخر طبقه تكون كريمه ونرش على الوجه شوكلاته بودره ،،
والكريمه تقدرون تحتفظون بالباقي منها بالفرايزر ماتخرب ابدا ،،
وهنا صوره ثانيه ،،
وبالعاااافيه عليكم ،،
،،،
تعليقات
إرسال تعليق