حياكم الله
اليوم معنا صينية الشاورما ،،
هالطريقه سبق ونزلتها بالانستقرام ،، واليوم باذن الله بالتفصيل ،،
الطريقه هذي طريقة العائله يعني متوارثه
اول شيء المقادير ،،
صحن صدور دجاج
بصله كبيره
فلفل اسود ملح سماق
مكعب ماجي
ثلاث ملاعق طحينه سايله
حبتين بطاطس مقطع ومقلي
حبه كبيره باذنجان مقطع مقلي
بقدونس مفروم
مقادير الصوص
علبه زبادي
ثلاث ملاعق مايونيز
ملعقه كبيره ثوم
فلفل اسود ملح
اول شي نسلق صدور الدجاج
بعد سلقه تماما نطلعه ونخليه يبرد شوي وننتفه وخليه على جنب
بعدها نحمس البصل مقطع شرائح طويله بشوية زيت
واذا قرب يستوي البصل ويقلب لونه ذهبي
نحط الدجاج المنتف وبعدها نحط مكعب ماجي وفلفل اسود وسماق
وخليه يتسبك زين مع بعض ويستوي الدجاج مره
اذا قربنا نخلص ،، نحط ثلاث ملاعق صوص الطحينه السايل
ونخليه يطبخ شوي ،، وبعدها نطفي عليه
نجيب صينيه ونحط فيها
الباذنجان والبطاطس المقلي والبقدونس
تقدرون تستخدمون بطاطس جاهز ،،
بعدها تحطون خلطة الدجاج الي سويناها
بعدها نسوي صوص بالزبادي
زبادي ومايونيز وفلفل اسود وملح وثوم مع بعض تنخلط بالمضرب اليدوي
ونحط الصوص فوق الشاورما وندخلها الفرن تحمر من فوق بس
وهنا بعد ماطلعت من الفرن
هالطبق لذيييذ جدا ،، خاصه مع شطة كرستال ،، واذا حابين تاكلونها مه خبز
وممكن تسونها على شكل ساندوتشات
اختي عندها طريقه في الخبز لذييذه نسويها معها دايم باذن الله اكتبها لكم بيوم
وبالعافيه عليكم
،،،
تعليقات
إرسال تعليق