حياكم الله ..
اليوم معنا شوربه لذيييذه جدا ،، ماكنت متوقعه ان طعمها لذيييذ خاصه اني ماحب القرع
ذقتها قبل سنه تقريبا ببيت صاحبتي ،، وكانت فعلا لذيييذه ،، باذن الله تجربونها وتعجبكم ،،
اول شي حابه اتكلم عن القرع او اليقطين ،، وفوائده
- يغذي البشرة ويقوي الأغشية المخاطية ويحمي القرنية
- ملين للمعدة ويمنع الامساك
- ينشط الكبد
- مهدئ للأعصاب وأمراض النفس
- مدر للبول - يفتت الحصى والرمل، ويزيل التهابات الكلى - ينشط الكلى ويقوي وظائفها
- يكسر العطش و يزيل الحرارة والحمى
- ينفع أمراض الصدر والسعال
- ينشط اللثة ويكافح أوجاع الأسنان
- يعالج أمراض الجهاز البولي ومشاكل غدة البروستات
نبدا نتعرف على المقادير ،،
صحن قرع مقطع مكعبات
٢ كاس ماء
بصله
فصين ثوم
كاس كريمة خفق ،، انا استخدمت وحده لايت
ربع زبده
جبن تشدر
ملح او نص مكعب ماجي ،،فلفل اسود،، كزبره ناشفه ،،
اول شي نسلق القرع مع المويه بقدر على النار
وبعد ماتستوي تماما ،، نحط القرع بالفرامه ونهرسه ،، والمويه تبع القرع نخليها على جنب
ونهرسه هرس نااااعم مره
ونخليه على جنب
بعدها بقدر نحط الزبده والبصل ونحمسه الى مايصير لونه ذهبي
بعدها نضيف الثوم ،،
وبعدها نضيف القرع المهروس
ونحركه مع البصل ،، وبعدها نضيف الفلفل الاسود والماجي او الملح والكزبره الناشفه
بعدها نضيف المويه الي سلقنا فيها القرع اول شوي شوي عليه ،،
طبعا مانضيف المويه كلها ،، نحط الى مايعطينا قوام ثقيل شوي ،،
بعدها نخليها شوي على النار تتسبك ،، ونضيف لها الكريمه شوي شوي ،،
والجبن التشدر ،، طبعا حسب رغبتكم ،، وممكن تستغنون عنه ،، وممكن جبن موزريلا الي تحبون
ونخليها شوي على نار هاديه مرره ،، وبعدها تكون جاهزه ،،
وهذي شكلها وقت التقديم ،، رشيت عليها بقدونس ،، وشوية كريمه ،، وحلاتها تشربونها بالليمون ،،
وبالعاااافيه عليكم ،،
،،،
تعليقات
إرسال تعليق