حياكم الله
اليوم معنا كيكه اتعب اقولكم لذيييييذه ماتوقعت انه يطلع طعمها كذا والله كنت متردده اسويها او لا
لكن الحين باذن الله اني اعتمدتها دااااايم ،،، والحلو فيها انه كالعاده اختار لكم اشياء سهله ولذيذه وسريعه
كيكة التوت ،،
حابه اتكلم اول شي عن الخليط الي استخدمته في هالكيكه
هالخليط غير تماما عن الي عندنا بالرياض ،، مرره لذيييذ ومررره اسفنجي وذكرني بكيك زمااان ومتماسك مايتفتت
نبدا الحين بالمقادير ،،
خليط بيتي كروكر بالفانيلا او ابيض ساده نسويه نفس ماهو مكتوب عليه من ورى بالكرتون ،،
ونضيف له علبه زبادي ،،
ونخلطه بالمضرب اليدوي ،، الي مايتجانس الخليط ،،
بعدها نجيب صينيه وندهنها بشوية زيت ،، ونصب الخليط فيها ،،
ونضيف لها توت ،،،
وندخلها الفرن درجة حراره ١٧٠ الى ماتستوي تماما
وهنا بعد ماطلعت من الفرن ،،
والحين نجي للصوص الي فوقها ،،
الصوص عباره عن ،،
كاس سكر مطحون ،،
وعصرة نص ليمونه مع ملعقة مويه كبيره ،، الصوص يطلع ثقيل شوي لكن سايل ،،
انا كنت متردد بالليمون ولما ذقته حسيته حامض قلت اشلون بيطلع طعمه مع الكيك لكن والله العظيم طلع لذييذ مررره وبالعكس عطاه نكهه مميزه حتى صديقاتي قالو لو زاد الصوص احلا ،،انتم لو تبغون كميه اكثر دبلو هالمقادير ،،
نخلطه بالمضرب اليدوي ،،
ونصبه فوق الكيكه ،، اذا بردت ،،
طبعا زينتها بتوت وفستق مطحون والمره الجايه بزيد من الفستق ،،
جربوها راح تدعون لي ،،
وبالعااافيه عليكم ،،
،،،
تعليقات
إرسال تعليق