تحميل كتاب سميرة خاص بديكور الحلويات حصريا

بريوش مالح بالسبانخ و الجبن

مقادير بريوش مالح بالسبانخ و الجبن

250غ طحين.

2 معالق كبار زيت زيتون.

1 معلقة كبيرة حليب غبرة.

1معلقة كبيرة زبدة.

1معلقة كبيرة خميرة الخبز مذوبة فنص كاس حليب دافئ مع معلقة صغيرة سنيدة.

1 بيضة.

ملح.

طريقة تحضير عجين البريوش

نخلط طحين وملح و حليب غبرة. نزيد زيت و نبسس مزيان. نزيد البيضة . نخلط مزيان ثم لخميرة ذايبة فنص كاس حليب. و ننكمل لعجين عادي بحليب دافئ. فالأخير نزيد زبدة و ندلك . نخلي لعجين يخمر

بينما خمر نوجد الحشوة

للتحضير حشوة بريوش مالح بالسبانخ و الجبن نحتاج

1 بصلة مشلظة.

ربطة سبانخ متوسطة.

100غ جبن بالأعشاب منسمة( متوفرش ستعملو أي جبن للذهن عندكم أو حتى مثلت وزيدو معه ثوم غبرة وأعشاب حسب الذوق)

ضرس ثوم أو أكثر حسب الذوق.

ملح / بزار .

نشحر البصلة فمعلقة زيت زيتون مع الملح حتى تدبل. نزيد سبانخ ونحرك حتى ينشف من الماء. نزيد جبن.ونقاد ملح وبزار حسب الذوق

وها لحشوة موجودة. نحتاجو معها 100 غ فرماج محكوك ( حمر أو بارميزان)

دبا نرجعو لعجينة بعدما خمرت

نطلقوها على شكل مستطيل ونسرحو فوقها حشوة سبانخ ونرشوها بفرماج محكوك ونلويها. نقطع دوائر غلاض و نحطهم فمول مذهون ونخليهم يخمرو.

ملي تخمر نذهنوها ببيضة مطربة مع معلقة كريم.

وندخلها للفرن .هاهي فنص طياب

وهنا ملي طابت

بالصحة و الراحة