تحميل كتاب سميرة خاص بديكور الحلويات حصريا

المرايا ( او الساعة ) اللى على شكل شمس بتعطى شكل فخم للمكان

و هى بتتباع غالية جدا

مع اننا ممكن نعملها بخامات رخيصة جدا

و بردو هتعطى نفس الشياكة للمكان

(1)

فيه اكتر من طريقة و اكتر من شكل 

تعالوا نعرف بعضها خطوة بخطوة

(2)

هنحتاج الى 

مرايا مستديرة

مسدس شمع

عصيان شوى خشب

برجل

دوكو دهبى

عليقة صور

(3)

نفرد عصيان الشوى فى صندوق و ندهنها بالدوكو الدهبى

و نسيبها تنشف

و نقلبها على الوجه اخر و ندهن تانى

(4)

على هر المرايا نرسم دايرة صغيرة فى النص 

و دايرة أكبر قريبة من طرف المرايا

(5)

بمسدس الشمع نعمل خط مستقيم ابتداءا من الدايرة اللى فى النص لغاية طرف المرايا و نلزق

عليه عصاية 

و نلزق عصايا تانية جنبها ثم تالتة .. و هكذا لغاية ما العصيان تشكل دايرة كاملة حوالين الدايرة اللى فى النص 

بعد كدة نلزق على الدايرة اللى فوق بين كل عصايا و التانية عصايا ، بس المرة دى ابتداءا من الدايرة اللى عاملينها من فوق

(6)

بعد كدة نلزق بمسدس الشمع العليقة اللى هنعلق منها المرايا على الحيطة

(7)

و هيبقا شكلها كدة

(8)

ممكن نجب مرايا ببروازها
و نجب 3 أحجام من عصيان الشوى

(9)

نفك المرايا من البرواز 

و ندهن البرواز و عصيان الشوى بالدوكو الدهبى

(10)

لما ينشف اللون نركب المرايا فى البرواز تانى

(11)

بمسدس الشمع نعمل 4 نقط فى ال 4 اتجاهات و نلزق على كل واحدة عصايا من الحجم الأطول

(12)

بعد دة بين كل 2 نلزق واحدة 

و بعدين بين كل 2 تانى نلزق واحدة

(13)

بعد كدة نلزق حوالين كل عصايا عصايتين من الحجم المتوسط

و بعدين بين كل عصايتين متوسطين نلزق عصايا من الحجم الصغير

(14)

و هيبقا الشكل كدة

(15)

ممكن نشترى من بتاع الزجاج أو محلات الديكور وحدات مرايا صغيرة ، مدورة او مربعة او مستطلة ..... اى شكل

(16)

و نلزق على عصيان الشوى المرايات الصغيرة دى بمسدس الشمع

(17)

هيبقا الشكل رائع كدة

(18)

مش شرط المرايات 

ممكن نجيب زراير ذهبية ( سادة أو مزخرفة ) و نلزقها بردو بنفس الطريقة 

بس يُفضل نيل بالقصافة الجزء البارز فى الخلف علشان ما يضايقناش و احنا بنلزق الزرار

(19)

و هيبقا الشكل ميل كدة

(20)

أما المرايا دى فمن الورق 

تتصوروا ؟

 

تعالوا نشوف نعملها ازاى

(21)

هنجيب فرخ ورق و نرسم عليه شكل زى ورقة الشجر كما هو موضح فى الصورة 

و نقصها 

و نكرر الرسمة لغاية ما تغطى دايرن داير المرايا بتاعتنا 

نعمل نفس الشكل بنفس العدد بس بحم اصغر 

و نعمل تانى نفس الشكل بنفس العدد بشكل اصغر اكتر

(22)

كل ورقة نتنيها نصين بالطول 

ممكن نسيب الورق أبيض زى ما هو 

و ممكن نلونه بالدوكو الدهبى 

و ممكن نجب ورق ملون سادة أو منقوش 

دة يرجع لزوق كل واحد

(23)

هنرسم دايرة هلى قد المرايا على حتة خشبة رفيعة و نديها للنجار يقصهالنا

(24)

و نرسم نفس الدايرة على ورقة كارتون ( 3 مرات ) 

و نقصهم

(25)

اول دايرة كارتون نلزق عليها الوحدات الكبيرة بحيث الجزء المتنى من الورقة يكون لأعلى 

و نراعى ان الوحدات تبان من فوق الارتونة جنب بعضها

(26)

لما هنقلبها هيبقا الشكل كدة

(27)

نلزق على الكارتونة الحجم الأصغر من الوحدات بتاعتنا 

على أن تكون تانية الورقة المرة دى لتحت

(28)

نلزق الكارتونة التانية 

و نلزق عليها الوحدات الأصغر 

بحيث تكون كل واحدة بين وحدتين من الوحدات اللى من الحجم المتوسط

(29)

( بالسليكون او مسدس الشمع او الغرا السريع ) 

نلزق الخشبة فى ظهر الوحدات الكبيرة 

و نلزق المرايا فوق الوحدات الصغيرة

(30)

و نحط حاة تقيلة فوقهم لغاية ما يثبتوا فى بعض

(31)

و دى النتيجة

(32)

دى بقا طريقة بخامات بردو بسيطة جدا 

أولا هنعمل دايرة قد المرايا بتاعتنا على ورقة كارتون

(33)

هنقصها أصغر من الدايرة اللى رسمناها بحوالى 1 سم

و نعمل دايرة اكبر ( بالحجم اللى عايزينه ) 

و نقصها

(34)

هنجيب معالق بلاستيك 

و نقصها 

و ناخد راسها فقط

(35)

و نبدأ نلق المعالق من فوق لتحت 

دايرة دايرة

(36)

بعد ما المعالق تغطى تماما الارتونة 

ندهنها بالدوكو اللون اللى احنا عايزينه

(37)

لما اللون ينشف نلزق العليقة بمسدس الشمع فى الكارتونة 

و بعين نثبت المرايا بسوليتيب عريض بتاع الكراتين

(38)

و دى النتيجة

(39)

و المرايا الشمس ليها اشكال و الوان و تصميمات كتير جدا 

و من خامات عديدة 

و الافكار مش بتخلص