حياكم الله ،،
اليوم معنا طريقة مسقعه لذييذه ،، وانا من عشاق المسقعه ،، وبرمضان احس تنفع مره كفطور او سحور
باذن الله تجربونها وتعجبكم ،،
مسقعة البشاميل
اول شي نختار اي خضار نحبها نقطعها باي شكل حابينه ونقليها او نشويها ،،
انا اخترت باذنجان وبطاطس وفلفل رومي ،، ممكن تدخلون كوسا او جزر او الزهره زي ماتحبون ،،
بعدها نسوي صوص البشاميل ،،
عباره عن من اربع الى خمس ملاعق دقيق مع نص كاس زيت نحطهم ع النار ونخلطهم بالمضرب اليدودي
وننتبه لا يتكتل معنا
بعدها نضيف ثلاث كاسات حليب سايل ،، ونخليه على نار هاديه ونستمر بالتحريك لحد مايثقل الخليط معنا
اذا ثقل الخليط نحط فلفل اسود وملح ،، وهذي تعتبر طريقة البشاميل لكل شيء حتى للمكرونات ،، انا معتمدتها
الان نجي للصوص الاحمر وهو بالدجاج المفروم او اللحم المفروم
نحمس بصل مع شوية زيت
بعدها نضيف طماطم معلب مفروم جاهز ،، وملعقه صلصه
بعدها نضيف البهارات المشكله ومكعب ماجي ،فلفل اسود
ونضيف الدجاج المفروم ،، ونخليه يتسبك مع بعض لحد مايستوي الدجاج تماما
وهنا نكون خلصنا المكونات كامله ،،
ونبدا نشتغل بالمسقعه ،،
انا اخترت اني اسويها بصواني صغيره مره للتقديم تكون شكلها اجمل واحلا ،، وانتم تقدرون تسوينها كلها بصينيه وحده
اول شي نحط الخضار كطبقه اولى ،،
بعدها نحط طبقة الدجاج المفروم ،،
بعدها البشاميل
ونرش ع الوجه جبن موزريلا ،،
وندخلها الفرن ،، تتحمر من فوق لحد ماتسيح الجبنه ،،
وهدا شكلها النهائي وقت التقديم ،،
وبالعافيه عليكم ،،
،،،
تعليقات
إرسال تعليق