عمارة الدجاج بمداق الحوت – هدى اليداري
ناخد 2 الدجاج نحيد ليه الجلدة ونقطعهم وندير ليهم 4 كاس ما عنبة + ملح + ربع م ص سودانية اختيارية + 2 وراق سيدنا موسى + 3 ثوم صحاح + 3 حبات جزر منقي ومقسوم على 2 + بصلة كبيرة او 2 متوسطين مقطعين على 2 + توابل الحوت ونسد الكوكوط حتى يطيب الدجاج تقريبا 20 دقيقة من بعد ما تصفر
نصفي الما اللي تصلق فيه الدجاج من البصلة و الخيزو و الدجاج
وندير في داك الما رابعة الفرميسال
ناخد بصلة مشلظة رقيق + 2 ثوم + زيت + ملح خيزو اللي تصلق محكوك ونشحرو ومن بعد + رابعة الكروفيط + 2 وراق موسى + هريسة او سودانية باش تحرار شوية + م ك عطرية الحوت + عصير حامضة + 2 م ك الربيع من بعد 2 دقايق نضيف الدجاج بلا عظم مفرتت ونديه ونجيبو حتى يشرب لاصوص ونضيف الشعرية الصينية من بعد ما قطعتها + صوص الصوجا التقيلة اختيارية م ك او 2
ونحط الحشوة حتى تبرد ونعمر بيها البصيطلات او البريوات او السيكار ونخليهم في المجمد حتى نبغي نقدمهم.
الوصفة بالفيديو:
تعليقات
إرسال تعليق