بصطيلات الدجاج صغار – هدى اليداري
دجاجة 2 كيلو – تخرج 10 بصطيلات
الدجاج مقطع بلا جلدة ويتغسل مزيان و يتسقطر ونشرملوه ب
2 م ك الربيع + 1 ثوم + عود قرفة + 2 م ك سنيدة + شوية السمن + م ص سكينجبير + قبصة ابزار + 2 حبات قرنفل + ربع م ص قعقلة و ربع م ص بسيبيسة + ملح بكمية عادية + خرقوم بلدي + زعفران حر + نص كاس الماء ونخليه مشرمل شوية
ومن بعد نديرو يتشحر على نار مهيلة حتى ينشف + 3 بصلات كبار مشلظة رقيق + كاس الزيت ونخليها تشحر حتى تدبل وهي مغطية ومن بعد نضيف كاس كبير الما ونخليه يطيب ومن بعد نحيدو ونفرتو
لاصوص نقسمو على 2
الاول + 6 بيضات + ملح و شوية السكر و شوية قعقلة و بسيبيسة ونديه ونجيبو حتى ينشف ونضيف شوية الزيت ايلا خصات ونبقى نشحر حتى يتبدل اللون ديالو يولي بني بحال الدجاج
الثاني نضيف عليه الدجاج ونديه ونجيبو فوق البوطة + م ك العسل او 2 م ك السنيدة
ونشحرو شوية ونخليه يبرد ومن بعد نخلط الخليطين معا
رابعة اللوز محمر ومهروش + 2 م ك الزيت + م ك العسل + نص م ص ما زهر اختياري + حبة مسكة حرة مدقوقة مع شوية السكر
ونعمر البصيطلات في اطار خاوي - ورقة الوسط وفوق منها نصف ورقة
ندير اللوز وفوق منو الحشوة
ونجمعها وايلا كانت الورقة كبيرة نقص منها يعني نقطعها.
الوصفة بالفيديو:
تعليقات
إرسال تعليق