بريوات الدجاج حلويين - هدى اليداري
في طنجرة ندير دجاجة + 1 ثوم + زيت + سمن قبصة + ملح بكمية عادية + م ك الربيع + قرفة عود ونشحر ومللي تشحر مزياان + نص م ص عطرية الدجاج او القرنفل مدقوق و بسيبيسة و قعقلة + 2 حبات قرنفل + م ص سكينجبير +ابزار + خرقوم بلدي + زعفران حر + 2 م ك سنيدة + نص كاس الما ونخليه راقد اطول مدة ومن بعد نشحر مزيان على نار مهيلة حتى ينشف + 3 بصلات كبار مشلظة رقيق + نص كاس او كاس الا ربع الزيت ونخليها تشحر حتى تدبل وهي مغطية ومن بعد نضيف كاس كبير الما ونخليه يطيب ومن بعد نحيدو ونفرتو
- لاصوص نقسمو على 2
الاول نضيف فيه 4 بيضات مطرب لنص دجاجة + عطرية الدجاج + م ك سنيدة ملح + معدنوس ونشحر مزياان يبقى يطيب 20 دقيقة حتى يتفرتت وينشف نهائيا ويولي اللون ديالو بني بحال الدجاج
النص الثاني : نرجع ليه الدجاج + 2 م ك سنيدة او م ك العسل ويتشحر شوية ومن بعد نخلطهم ب 2 ونعمر
تعليقات
إرسال تعليق