كفتة بصلصة الباذنجان المشوي
المقاديرعدد ١ باذنجان كبير مشوي حوالي نصف كيلو ومقشرة بعد الشوي
نصف كيلو لحمة مفرومة ومتبلة بالبصل والملح والفلفل وملعقتين كبار من الكعك المطحون
٥ بندورات مقشرين ومقطعين ناعم
فليفلة خضرة كبيرة مقطعة ناعم
بصلة كبيرة مقطعة ناعم
ملعقة معجون فليفلة حمرة
ملعقتين كبار دبس رمان
فصين ثوم
ملح. فلفل.
صنوبر للزينة
الطريقة
نشكل اللحمة على شكل أصابع صغيرة ومنقليها بقليل من الزيت وتوضع جانباً
يقلى البصل المفروم بقليل من الزيت حتى يذبل ثم تضاف الفليفلة الخضرة وتقلب مع البصل ثم نضيف البندورة المفرومة ومعجون الفليفلة الحمرة ثم يضاف الباذنجان المشوي والملح والثوم ودبس الرمان وتترك على نار هادئة حتى يذوب الباذنجان تماما وتنضج الفليفلة والبندرورة بعدها نضيف نصف كوب من الماء
ثم نضيف اصابع اللحمة المقلية ونتركها تغلي في الصلصة مدة ٥ دقائق على نار هادئة
توضع في طبق التقديم وتزين بالصنوبر وممكن وضع جبنة الموزريلا على الوجه أيضا وهي ساخنة وتقدم مع الرز حسب الذوق كتير طيبة بتمنى تجربوها وتحبوها
ملاحظة إذا بتحبوها حارة بتقدروا تستعملوا الفليفلة الخضرة الحارة بدل الفليفلة الخضرة العادية وبتطلع روعة
المصدر: كورس كيك ومعجنات :(yasmin sy )
تعليقات
إرسال تعليق