طريقة عمل المشاط الفلسطيني او عجة البيض والزهرة

ام بدر – بصطيلة اللحم

ناخدو اللحم من الكتف او الجيكو نقطعو في طنجرة ونشلظ البصة 4 + الملح + م ص خرقوم بلدي + م ص قزبر يابس + م ص ابزار مخلط ابيض و اسود + م ك قعقلة و بسيبيسة + زعفران حر + م ص السمن + عواد قرفة + 2 تمرات + كاس عنبة زيت مخلط ونخليه يطيب على نار مهيلة 
اللوز نص كيلو نصلقو ونفسخو وندخلو الفران يتحمر او نقليه ونطحنوه
ونخلطو مع كاس عنبة سكر كلاصي
مللي يطيب اللحم نحيدوه وندخلوه يتحمر شوية في الفران 10 او 15 دقيقة 
لاصوص نخليه يشرب ومن بعد ما يوقف ناخدو منو المرق فقط ونضيف عليه 10 بيضات ونطيبو فيه
وما تبقى من المرق نضيف ونضيف ليه نص كاس سنيدة او سكر حسب الدوق ونخلط معاه اللحم
نوجد : نص كيلو الورقة + الزبدة دايبة + فورص مخلط
نسرح وحدة الوسط و 4 في الجوانب وندهنهم كاملين بالزبدة ونحط تفريشة ديال اللحم ونرش شوية البسيبيسة م ك تقريبا وندير ورقة اخرى وندهنها بالزبدة و فوق منها تفريشة البيض وندير ورقى اخرى ونهنها بالزبدة وفوق منها اللوز ونبدا نجمع ونلصق بالفورص وعاد نكمدها كاملة وندهنها بالزيت و الزبدة من الفوق وندخلها طيب في فران سخون مسبقا ونار مهيلة 150
مللي تخرج ندهن بالعسل و نزوق باللوز ايفيلي او مهروش
او نرش سكر ككلاصي و القرفة و اللوز الوسط