السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم جديد الحلويات 2016 : تشكيلة جديدة ورائعة من حلويات الصابلي
من الاخت جنات جزاها الله عنا كل خير
مقدير وطريقة تحضير جديد الحلويات 2016 : تشكيلة جديدة ورائعة من حلويات الصابلي
مقادير الصابلي:
250غ زبدة ماركرين
250غ زبدة العبار
4 بيضات
2 أكياس من سكر الفاني
معلقة كبيرة كونفتير
قبصة ملح
250غ سكر صقيل
كيلو دقيق
كنخدمو زبدة مع سكر وملح وفاني حتا تولي بحال بوماض ونزيدو البيض و الكونفتير ونخلطو مزيان واخيرا دقيق نجمعو العجين ومندلكوهاش
طريقة تحضير صابلي منمر:
كناخذو شوية العجين ونضيفو ليه كاكاو بكثرة باش يولي لونو بني غامق ونعاودو ناخذو عجين اخر غي القياس ونضيفو ليه قليل من كمية الكاكاو باش نحصلو على بني فاتح .
كنسرحو العجينة البيضاء بين الميكة باش متلصقش ونخدو العجينة البنية الغامقة نديرو منها دوائر ونحطهم فوق العجينة البيضاء ونوركو عليهم بصبعنا ونعاودو نديرو دوائر صغر من الاولى بالعجينة البنية الفاتحة ونحطوها فوق الدوائر لي درنا ونضغطو شويا بصبعنا حتى نكملو ونخدو دلاك وندوزوه من فوق الميكا مرة وحدة باش نثبتو الدوائر كيما باين في الصورة ونقطعو الاشكال لي بغينا والعجين لي كتشيط لينا منرموهاش نجمعوها ونسرحوها ونقطعوها وهي لي غتكون القاعدة السفلية لصابلي ،فاش كلصقوهم كيجي منضر الصابلي منمر غير من الفوق
طريقة تحضير صابلي منقط:
كنسرحو عجينة الصابلي وكنرشو عليها بودرة الكاكاو بواسطة الصفاية القهوة رشات خفاف باش نقط يبقاو باينين ونخليوهم واحد شوية حتا العجين يشرب داك الكاكاو ونعملو فوق العجين ميكة وندوزو بالدلاك باش يتبت اللون ونقطعو الاشكال لي بغينا انا عملت العجينة السوداء كقاعدة لهاد الصابلي ونتووما وذوق تاعكم
طريقة تحضير صابلي zébré
كنطلقو العجينة البيضاء فوق الميكة باش متلصقش ونخدو العجينة السوداء لي زدنا ليها الكاكاو بكثرة كنديرو من شعيرات لي حربلناهم بين اليدين ونبداو نحطوهم فوق العجينة البيضاء بشكل افقي وعشوائي من بعدما نكملو كنحطو الميكة من فوق العجين ونسرحو بالدلاك بشكل افقي باش دوك الخطوط يزيدو يطوالو ونبداو نقطعو الاشكال لي بغينا ،والعجين لي كيشيط كنجمعوه ونعاودو نقطعوه وهو لي تيكون القاعدة السفلية لصابلي
طريقة تحضير صابلي على شكل نجيمات:
كنسرحو العجينة البيضاء ونخدو القليل من العجينة نضيفو ليها ملون احمر ونعملو نقيطات صغار ونتبتهم فوق العجينة البيضاء حتا نكملو ونخدو الدلاك ندوزوه من فوق العجين ونقطعو الاشكال على حسب الرغبة
فاش كنستفوهم فوق الطاوة كناخذو لاباي باش كنشربو العصير هو باش كنديرو دوك ثقوب الصغيرة فاش كيطيب الصابلي كلصقوه بالكونفتير الفريز
ملاحظة:العجينة لي كنحيدو كنعاودو نجمعوه ونطلقوه ونديرو منو نجيمات هي لي غتكون القاعدة السفلية لصابلي
تعليقات
إرسال تعليق