همبرجر الدجاج – هدى اليداري
زلافة الفورص + زلافة القمح بالنخالة ديالو حفرة في الوسط ندير فيه م ك حليب غبرة + 3 م ك زيت العود + م ص زبدة + ملح + خميرة الخبز م ك مدوبة مع قبصة سنيدة في ماء دافي و في الجنب ديال الدقيق ندير خمارة حلوى + قبصة ثوم غبرة و بصلة غبرة تقريبا ربع م ص وممكن اضافة الزعتر شوية ونعجن بالما دافي
العجين يكون خفيف ونغطيه نخليه يخمر نص ساعة الى ساعة الا ربع و نخليه حتى يتنفخ ونديها ونجيبها حتى يخرج منها الهواء
او نسرحها بالمدلك ما تكونش رقيقة ونقطعها بزلافة
نستف الخبيزات في لاطة فوق ورق الطهي او في لاطة مدهونة بزيت و مرشوشة بالنخالة ونخليها تخمر 45 دقيقة
ندهن بالشيتة وجه الخبيزات بالما باش يجي اللون دهبي وكدلك نرش قطرات الما بين الخبيزات وندخلها الفران
الحشوة : نص كيلو كفتة دجاج + ملح + ابزار + نص م ص ثوم غبرة + 2 فرماج مثلث + الربيع مقطع + بطاطا مصلوقة في ما وملح وممعوسة
نخلط الكل ونديرهم على شكل خبيزات - نسرحهم بالمدلك بين 2 ميكات و نرشمهم بفم الزلافة ونديرهم في المجمد 20 دقيقة و ندوزهم كاملين في البيض ثو شابلير و نعاود ندخلهم المجمد ساعة في علبة بيناتهم بلاستيك او ما بين 2 ميكات
ندهنهم بالزيت وندخلهم الفران يتحمروا
نديرهم في السوندويتش مع الخضر خضراء الخص و مطيشة و كورنيشو .......
تعليقات
إرسال تعليق