السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم طريقة عمل كيك سهل وبسيط لكل المناسابات روعة بالصور
للأخت كريمة جزاها الله عنا كل خير
مقادير كيك سهل وبسيط لكل المناسابات روعة
مقادير الكيك
200غ شكلاط أسود من النوع الجيد
125غ زبدة
100غ طحين أبيض( فرينة )
200غ سكر عادي
6 حبات بياض البيض متوسط الحجم
نصف كأس صغير حليب
كيس خميرة الحلوة
مقادير الكريم
200ملل كريم سائل يكون بارد مزيان
3 معالق كبار سكر
1 كيس شانتي فيكس هاد يخلي الكريم تشد شوية ماشي ضروري إلا مكانش معليش
200غ شكلاط أنا عملت شكلاط الدهن بالبندق ممكن تعملو نوتيلا أو تاخذو 200غ شكلاط أسود عادي ذوبوه وتخلوه يبرد
250غ جبن الماسكاربون أنا ضفت هاد الجبن باش تجيني الكريمة عندها مداق زوين حيت أنا منبغيش غي الكريم شانتي هاكاك
كيفية عمل كيك سهل وبسيط لكل المناسابات روعة بالصور المشروحة
تحضير الكيك
نضع الشكلاط مع الزبدة على النار حتى يذوبو مع بعض ونخلوه جانبا
نفصل أبيض البيض عن الأصفر
نطلع أبيض البيض على شكل ثلج مع وضع القليل من الملح
نعمل أصفر البيض مع السكر ونضرب مزيان حتى يولي لون الخليط فاتح
ثم نضيف عليه الشكلاط مذوب مع الزبدة ونخلط
ثم الطحين +الحليب ونرجع نخلط غادي الخليط يجيكم ثقيل عادي مين نضيف ليه أبيض البيض يولي خفيف
نأخد الخليط ديال أبيض البيض ونضيفو على الخليط ديالنا ونحركو بملعقة غي بشوية حتى ما يبقاش يبان أبيض البيض وكلشي يمتزج مع بعض
نأخذ مول دائري نغلفو بورق الطبخ ونحاول عليه باش الكيكة تأخذ حجمها وتجي عالية
ندخل الكيك الفرن مسخن من قبل درجة الحرارة 180° مدة الطهي 30 حتى 35 دقيقة ندخل عود أو سكين ونتأكد من أن الكيكة نضجت إلا خرج الموس ناشف
نترك الكيكة تبرد مزيان
نضرب الكريم السائل حتى نشوفو يثقال نضيف عليه السكر وشانتي فيكس وغي يجمع نضيف الماسكاربون والشكلاط ونضرب غي شوية حتى نحصل على كريم على شكل موس بالشكلاط
نأخد الكيكة إلي لازم تكون باردة مزيان باش مين نجيو نقسموها ما تفرتتش المهم نقسمو الكيكة على نصفين
نحضرو سيرو أنا عملت القهوة أحب مذاق القهوة وشكلاط ضروري ما تسقيو الكيكة مزيان باش ماتجيش ناشفة نعمل شوية الكريم ونغطي بطبقة ثانية من الكيك وكذلك نسقيوه ونغطي بالكريم المتبقي لينا ندخلها الثلاجة وحتى تجمع مزيان و ونخرجها نقاد لها الشكل أنا زينتها بالشكلاط الأسود وأنتم لكم حرية الإختيار في التزيين
وهاهو كيك المناسبات واجد بالصحة والراحة
للمزيد من وصفات الكيك الرائعة اليك هذه المواضيع :
تعليقات
إرسال تعليق