تحميل كتاب سميرة خاص بديكور الحلويات حصريا

الباميه باللحمه الضاني. طاجن الباميه المصري شغف الطهي 

ده طاجن الباميه المصري بس بطريقه صح
اذا  كان بعكاوي او ضاني او جملي حتي
المهم يكون قطعه اللحمه من الفخده او الرجل او الديل او الرقبه
كل ما قطعه اللحمه تكون مابتستويش بسرعه كل مايكون احسن ف الطاجن
ولو كان فيها عضم كان احسن

الكميه:          3 اشخاص
وقت التحضير:  30 دقيقه
وقت الطهي:    2.30 ساعه
المكونات:       
1 كيلو لحمه يستحسن تكون بالعضم
1/2 كيلو باميه فريش
3 فصوص ثوم
1 بصله صغيره
1 لتر عصير طماطم
1/2 لتر مرقه لحمه او فراخ
1معلقه ديميجلاس باودر فاين فودز
1/2 معلقه كسبره ناشفه
دقيق
1 معلقه سمن
زيت زيتون
عصير ليمونه ف ربع كوب مايه
طريقه التحضير:
- نفرم البصل والثوم. ونقمع الباميه.- في طاسه قلي فيها زيت عميق  نسخنه  وننزل الباميه دقيقتين ونرفعها لاازم يكون الزيت سخن . كده بنحافظ علي شكل الباميه مش هتتفتح لما تستوي كل واحده هتفضل بحجمها وشكلها. نسسيبها علي جمب  علي منديل مطبخ  -في حله استانلس نحط معلقتين زيت زيتون ومعلقه سمنه ونخليها تسخن
-نتبل اللحمه بالملح والفلفل الاسمر ونعفرها بالدقيق ولما الزيت يسخن  ويبدأ يدخن
نحط اللحمه ومانقلبهاش غير لما تاخد لون بني  ونقفل مسامات اللحمه من كل الاتجاهات
-نرفعها من الحله علي جنب هنلاحظ انها ابتديت تنزل عصارتها نسيبها زي ماهي
- في نفس الحله نشوح البصل والثوم لحد ما لونوهم يبقي دهبي نضيف الكسبرهو نحط مايه باليمون ونحك الحله بالمعلقه مكان اللحمه
-نحط اللحمه تاني بالعصاره اللي نزلت منها ومعاهم عصير الطماطم ومرقه اللحمه ومعلقه ديميجلاس وفلفل اسمر وشويه ملح مش كتيرونسيبها تاخد غلوه عالنار
-  نولع الفرن علي 150 درجه حراره متوسطه.
-ولما تغلي نحطها فطاجن (بس نسيب مكان ف الطاجن للباميه)وندخلها الفرن ونغطيها بورق فويل . وكل نص ساعه نبص عليها عاوزه تتزود او لا
-نسيبها ساعتين وبعد الساعتين اللحمه بتبقي استويت بقيت زي الزبده
-نحط البامييه ونقلب الطاجن ونظبط الملح ونسيبو مكشوف . ونص ساعه بالظبط ونطلعه
- هنلاقي اللحمه استويت كويس- الباميه مستويه ومحتفظه بشكلها- صوص الطماطم خد كل طعم اللحمه من العضم و تقيل ومظبوط من الدقيق. ومن الجيلاتين اللي نزل من اللحمه ف التسويه الهاديه
- ممكن نقدمها مع رز او عيش بلدى ☺ والطاجن يتزين برشه كسبره خضرا مفرومه