ميل فوي

ميل فوي

كنت نزلت لكم ميلفوي قبل من هادي ولكن مكنتش مقتانعا بيها بزاف

هي جات زوينةوالي داقها تتعجبو ولكن انا كنت باغاها بحال ديال المغلاب نييييت

بقيا كنقلب ونبحت من هنا ومن لهيه

وفي الاخير درتها وصدقت زوينة
والله مكرهت تدوقوها لان الي ماعافش في المداق اتقولي ديال الباتيسري

انا كنت مرونة بزاف ماصورتش لكم بالتفصيل ولكن را التقنية بحال ديال الاولى الفرق غير في الطياب وبدلت في الكريم باتيسيير والكلاصاج

اتاخدي العجينة المورقة الي نزلت لكم طريقتها هنا

اتتقبيها كيف الاولى نيت

ميل فوي

الفرق انك من ادخليها خاصك تحطي عليها شي حاجا باش متنفخش ليك
باش تجي مكرملة
ها شنو درت انا

ميل فوي

وتدخليها للفران تا تطيب تقريبا 15mn من بعد اتحيدي عليها الحاجا الي متقلا عليها وترديها تتحمر
من اتخرجيها اتلقايها مكرملة
ورقيقة بحال هادي

ميل فوي

هاهي الي كنت درت في الاولى

ميل فوي

الكريم باتيسيير درت هاد المرة هاد المقادير

ميل فوي

750ml حليب
180g سنيدة
3اصفر البيض
70g دقيق
4gمايزينا
فاني او قشور حامض الي بغيتي

الطريقة

ميل فوي

تتزيدي الحليب ونتي تتطربي تا يتخلط كلشي

ميل فوي

عاد ديريه على العافيا ونتي تتحركي تا تعقاد

ميل فوي

نت بعد اديري كيف الطريقة الي درت في الاولى
تتدهني قطعة بالكريم باتيسيير
تاتحطي عليها التانيا وتاني الكريم باتيسيير
تم التالتا
تتديري عليها الكلاصاش

مصورتس لكم الطريقة

المهم اتشدي السكر كلاصي متلا جوج كيسان وتزيدي عليهم بمعلقة الما ونتي تتحركي بالطراب تا تولي ليك ماهي عاقدا ماهي جاريا
ملقيتش شي مقادير محددين المهم عينك ميزانك
وزيدي فاني الى بغيتي

وتتدهني بيها الفوق ديال الميلفوي

ميل فوي

ودخليها للتلاجة تا تنشف شوية وخرجيها تزوقيها بالشكلاط

انحاول نصورهم لكم مرة اخرى

كديري خطوطة طوال ياك

وملي تجي ديري بالعود ديال السنان مرة ديه ومرة جيبيه

الي مفهماتش را اننزل لكم حيت انعاودها راها لا تقاوم

ميل فوي

انا بيتها في التلاجة

طبخ

القائمة الرئيسية

الصفحات

أخر المواضيع من قسم : ميلفوي

تعليقات

إرسال تعليق