عمل الكفتة المشوية تحضير وطبخ الكفتة المشوية بالخطوات مع المقادير لعمل الكفتة فى المنزل
الكمية تكفي: 4 أشخاص
وقت التحضير: 20 دقيقة
وقت الطهي: 40 دقيقة
المقادير: الكفتة المشوية
مكونات لعمل الكفتة المشوية
كيلو لحمة مفرومة250 جرام ليه ضانى
ثمرة كبيرة بصلة مفرومة ومعصورة
كوب بقسماط ناعم
مقدار ملح
فلفل- بهارات مقدار قرفة - جنزبيل
حزمة بقدونس مفرومة
طريقة عمل الكفتة المشوية
نلخبط كل المكونات على بعضها
وبعدين عالكبة نحط حبة حبة ومهم قوى نشغل على السرعة المتوسطة
لغاية أما اللحمة تدور معاكم
بعدين مانستعجلش ونحط الكمية كلها لإن لازم يكون الفرم ناعم يعنى عامل زى العجينة
ودى تانى حاجة تخلى الكفتة ماتفكش وهى بتتشوى
وبعدين نبتدى نصبع زى ما إنتم شايفين وشايفين كمان العجينة ناعمة إزاى
الطبخ: وبعدين باسحب العود وأكرر العملية لغايه أما المقدار يخلص
- ( أنا بعد ما عملت العجينة قسمتها نصفين نصف شلته فى الفريزر لمرة تانية والنصف التانى هو اللى أنا صبعته)
ناخد صوابع الكفتة عالتلاجة بس طبعا نغطيها ونسيبها ساعة أو أكثر ودى تالت حاجة ما تخليش الكفتة تفك وهى بتتشوى خلوا بالكم معانا دلوقتى تلات حاجات
الشوى : لشوي الكفتة
- أنا باستخدم أسهل حاجة اللى هى شواية البوتاجاز بارش على قاعدتها شويه ملح ودة بيقلل الدخنة وباحط ورق فويل عليها علشان يكون تنضيفها سهل بعد كدة وباحط الصوابع على مرتين وبتكون الصوابع متوزعة فى نصف الشوايه بعيد عن الحروف وبعيد عن بعضها وباغير ورق الفويل فى المرة التانية عشان الكفته ماتتحرقش وما استعجلش و أحط الصوابع كلها مرة واحدة لازم يكون فيه براح بين صوابع الكفته عالشواية
- لازم الشوايه تسخن الأول وتكون النار وسط لا عالية ولاواطية
وبارص الصوابع واغطيها دقيقة وما باحاولش أقلب خالص لغاية أما تبتدى المادة الدهنية تنزل من الكفتة ساعتها باكون ضامنة إن الكفتة مش حاتلزق فى الشواية واقلب عالناحية التانية و أغطى كمان دقيقة لحد ما تبتدى المادة الدهنية تنزل من الناحية التانيه كدة أقلب كمان كدة مافيش مشكله لإنى ضمنت إن الكفتة مش حاتلزق وأستمر فى التقليب فى كل الجوانب عشان الكفتة ماتتحرقش من أى جنب وممكن هنا أوطى النار شويه عن الوسط وتقدم الكفتة المشوية مع البطاطس المحمرة وسلطة الطحينة
بالهنا الكفتة المشوية مطبخ حوريات
تعليقات
إرسال تعليق