طريقه عمل مربى الجزر بطريقه الشيف حسن من برنامج الشيف حسن قناه MBC مصر

السلام عليكم ورحمة الله وبركاته .. اليوم راح نتعلم طريقة سهله للرسم على الكيك وبسيطه جدا" مع اني نزلت عالبيج طرق عديدة بس هالطريقة حبيت اطبقها وارفقها بصور للتوضيح اكتر لانها اسهل الطرق وبامكان اي شخص عمل كيكة والرسم عليها حتى لو ما بيعرف يرسم ما عليكم الا اتباع الخطوات الموضحه بالصور وانا بدوري راح اكتب تحت كل صورة توضيح حتى اسهل عليكم وان شاء الله تصل الفكرة واشوف تطبيقات على الطريقة وابداعاتكم طبعا" الرسمه بسيطه جدا وغير معقده عشان لا تجدوا اي صعوبة اثناء متابعة الخطوات وانا بترككم مع خطوات الرسم على كيكة

 تم خبز كيكة الشيفون وقسمت الخليط بقالبين صغار حجم كل قالب 24 سم  بدل قالب كبير وحبيت اعمل الكيكة على فانيلا استبدلت مقدار عصير الليمون بالماء ولغيت برش البرتقال وحطيت فانيلا  

وتفضلوا رابط الطريقة على مدونتي كيكة الشيفون 

بعد ما تركت الكيكة تبرد والافضل خبزها قبل بيوم من تزيينها وحشوها
حضرت الكريمة وهي كريم شانتيه خفقت كوبين حليب او ماء مع كوب كريمة وزدت باكيت دريم ويب وسكر حسب الحاجه واصنص الفانيلا بما انه الكيكة كيكة فانيلا ومحشوه فراولة  وتم تقطيع الفراولة و رشيتها سكر عشان تنزل ميتها وتتشرب الكيكة مع انها الكيكة مش بحاجه لتشريب لانها هشه جدا ومش متل الكيك الاسفنجي بس عصير الفراولة زادها طراوة ونكهه رائعه .

غطيت الكيكة بكريمة وانتبهوا اني حطيت طبقه خفيفه من الكريمة لاني راح ازينها ومش بحاجه لتغطيتها بالكامل ولاحظوا كمان اني حطيت الكيكة على علبة او اي شي يساعدك بانك تغطي جوانب الكيكة وتكون بنفس الوقت عالية وما تمسكيها بايدك وتتعبي يعني الحاجه ام الاختراع

هون طبعت وجه دورا على ورق الزبده من النت واخترت رسمه بسيطه عشان ما تحسوها معقده 

وقطعت شوكولاته قطع صغيره بطبق وسيحتها بالمايكرويف وحطيتها بقمع التزيين عشان استعملها لرسم تحديد وجه دورا

رسمت دورا وتتبعت الرسم بالقلم لحتى حصلت على هالشكل وتركتها تجف ما بتاخد وقت اكم دقيقه بس

بعد ما جفت الرسمه شلتها بحذر عن ورق الزبده وحطيتها على الكيكة واكيد واضح هالشي بالصورة :)

وباقي الصور اصبحت واضحه اختاري الطريقة الي بتفضليها بتلوين الرسمه وتزيينها وان شاء الله هالتدوينة تكون قدمت ولو شي بسيط من الفائدة والمساعدة لكل الي طلبوا مني الطريقة والي بيفكره يعملوا كيكة ويزينوها ووجدوا مدونتي :) ودمتم