السلام عليكم ورحمة الله وبركاته
المسمن مورق ورائع بطريقة الاخت ام كنزة جزاها الله عنا كل خير
مقادير مسمن مورق ورائع
دقيق الفورص
شوية ديال الحرش (الفينو)
ملحة
شوية الخميرة او ممكن الاستغناء عنها
رشة ديال السكر
ماء دافئ
للتوراق :
زيت
زبدة رطبة
سميدة رقيقة او دقيق حرش
نعجنو العجينة ديالنا و ندلكوها مزيييييييييان , و ندهنوها بالزيت و نخليوها ترتاح واحد 10 دقائق.
نديرو كويرات صغار
و نبداو في التوراق بأول كويرة وجدنا .
نسرحو مزيان الكويرة ديالنا على هاذ الشكل , حتى تولي تقريبا شفافة
نرش السميدة الرقيقة او الدقيق الحرش و نفرتت الزبدة على هذا الشكل
ونبدا نطوي في المسمنة
نورقوالمسمنة و نرش المقلة بشوية ديال الزيت غي رشة خفيفة
ونقلبو المسمنة و كيف كاتشوفو قي الصورة راه كايتنفخ و كايجي مورق و غزااال
نكملو لكويرات كاملين و من بعد نبدا في الطياب و ملاااحظة مهمة خاصنا نبداو بأول مسمنة طوينا وهكذا بالترتيب حتى نوصلو لاخر وحدة .
وديما نخبيو مسيمنات ديالنا بزيف باش ابقاو رطبين.
ملاحظة: الى كنتو باغيين توجدو كمية كبيرة وتحتافظو به في الكونجلاتور , ماتخليوهش اتحمر بزاف باش نهار تبغيو تسخنوه يكمل التحمار ديالو و كايجي رطب بحال الى يالاه وجد
وهاهو المسمن ديالنا واجد بالصحة والراحة
تعليقات
إرسال تعليق