السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم
طاجين الكفتة بالخضر بالصور
مقادير طاجين الكفتة بالخضر
الكمية تتبقى حسب عدد افراد العائلة
250 غرام كفتة متبلة (بالربيع + ملح + ابزار + كمون + فللفلة حمراء + شوية الخرقوم)
بصلة مشلضة
خيزو مقطع طويل ومسلوق نص سلقة
فلفل دوائر
مطيشة دوائر
حامض دوائر
ثوم/ربيع/زيتون
ملح /ابزار/كامون/خرقوم//تحميرة /شوية قزبر يابس/زيت
ممكن نزيدو حتى بطاطا على حسب الرغبة
طريقة تحضير
طاجين الكفتة بالخضر
اول حاجة كنخلطو الكفتة مع التوابل ونشكلوهم منها كرات يكونو شوية كبار
نديرو طاجين يسخن ونديرو الزيت البصل والثوم ورشة ملح ونخليوهم يتقلاو حتى ينزلو مزيان
عاد نضيفو توابل ونشحروهم ونستفو دوائر الفلفلة وفوق منها كويرات الكفتة
نزيدو فوق الكفتة خيزو و مطيشة وفي زلافة تنخلطو شوية مطيشة محكووكة وتوابل وشوية الماء تنحط دوائر الحامض ونسقيهم بمطيشة
ونزيدو شوية الماء ونغطيو عليه على نار مهييلة
من بعد تنزيدو الزيتون وفلفلة حارة ورشيشة الربيع ونخليه يكمل طيابو
في الاخير تنزيدو معيلقة زيت العود ونطفيو عليه
وهاهو طاجين الكفتة بالخضر واجد بالصحة وراحة
تعليقات
إرسال تعليق