السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم وصفات و أطباق عيد الأضحى :
طحال معمر في الفرن بتقديم جديد بالصور
اولا ناخذو بصلة نقطعوها نزيد ليها وريقات موسى و شوية زيت
العود
نديروها فوق النار مين تذبال نضيفو ليها طريفات اللحم مقطعين
رقاق
من بعد ما يتشحرو مزيان نضيف ليهم ربيع مقطع تحميرة كمون
ملح خرقوم معلقة من ليقامتي الخاصة باللحم شوية عطرية
الكفتة شوية سكين جبير شوية ابزار معيلقة مطيشة الحك
نخلط الكل و نغطي على لحيمات حتى يشربو ليقامة و يطيبو
ثم نضيفو زيتون مقطع
من بعد نقصو من الخليط شوية الجهد اللي يعمر لينا طيحال
و لعمارة اللي بقات لينا نضيفو ليها شعرية صينية بعد ما
رطبناها في لما و قطعناها بلمقص نديروها تشحر مع لعمارة حتى
ينشف الخليط
ناخذو طحال نفتحوهم بموس و نعمروهم او نحاولو بشوية
باش ميتحلوش لينا من شي بلاصة و نخيطوهم
من بعد نحطوهم في طاوة مفرشة بورق المنيوم نرشهم من فوق
بشوية زيت العود شوية ملح شوية ليقامة الخاصة باللحم
وندخلوهم لفران
من بعد ما يطيبو
نقطعوهم بشكل طولي
في طبق التقديم نحطو خليط شعرية صينية ونزينوها بالطحال معمر
وبالصحة والراحة
تعليقات
إرسال تعليق