حياكم الله
اليوم معنا طبق انا احبه مررره ولذيييذ وسهل ،، وباذن الله تجربونه ويعجبكم ،، سبق ونزلته بهشتاقي حق الطبخ بالانستقرام
وهنا بالتفصيل ،،
اول شي نحتاج لثلاث حبات متوسطه من البطاطس مقطعه دوائر ومرصوصه بالصينيه ،،
بصلتين كبيره مقطعه دوائر ونرصها فوق البطاطس ،،
حبتين فلفل رومي مقطعه دوائر ونحطها فوق البصل ،،
بعدها نجيب حبه دجاجه كامله مغسله و مقطعه ارباع والافضل بدون جلد ،،
نتبلها بملعقتين صلصه او كاتشب ،، بهارات ملح فلفل اسود وكزبره ناشفه ،،
وندهنها كامله والافضل تتبيلها قبل بساعتين ،، ونرصها فوق الخضار بالصينيه ،،
بعدها نجيب الجبن الشرائح حق البرجر ،، ونغطي كل الدجاج فيها ،،
ونغطيها بقصدير ،، وندخله الفرن من تحت لمدة ٤٥ دقيقه الى ساعه حسب حرارة الفرن ،،
بعد ماتستوي تماما وتحسون البطاطس صار لين ،، نفك القصدير ونحمرها من فوق ،، وهذا شكلها
وتقدرون تاكلونها بخبز او مع رز ،،
شفتو كيف سهله ،، لا والطعم جدا لذيييذ ،، جربوووها وبتدعون لي ،،
وبالعااااافيه عليكم ،،
،،،،
تعليقات
إرسال تعليق