حياكم الله
اليوم معنا موضوع ،، الاغلبيه طلب اني اتكلم عنه ،، وكان مفروض ينزل من زمان ،، لكن الكسل بعيد عنكم
وتحمست انزله اليوم ،، واخيرررا نزل
موضوعنا عن ممسحة الارض
steam duet master
اول شي بتكلم عن مميزاتها وعيوبها وعن الملحقات الي تجي معها ،،
الملحقات هي هذي وهي كثيره صراحه ماجربتها كلها
لكن الي اعرفه انها مو للارض فقط ،، لا هي حتى للموكيت والباركيه وللشبابيك وحتى المغاسل
كل الي يهمني الحين قطعة القماش الي مثل المنشفه لانها هي حق البلاط والمسح
وعلى فكره هالقطعه اغسلها بالغساله اذا توسخت وارجع احطها عادي مثل المناشف
وفيه لها مقاطع باليوتيب ابحثو عنها ،، وتعلمكم كيف تنظف كل شي ،،
نجي الان للمميزات ،،
طبعا هي تمسح الارض وتزيل البقع
يطلع منها بخار حار لذالك تعقم
حلو بعد انها عمليه بالاستخدام وتوصل للزوايا بشكل سلس
سهلة التعبيه وغير مكلفه لانها ماتحتاج الا مويه
العيوب ،،
طبعا انا بالنسبه لي ما اعتبرها عيوب ،، بس هذي من تعليقات البنات عنها
قالو انها ثقيله ،، انا احسها مثل المكنسه يعني نفس الثقل والحجم
قالو بعد انها بعد المسح تترك اثر بالبلاط الي عليه لمعه ،، انا بصراحه الارضيه عندي مطفي لذالك مادري عن هالشي
قالو بعد انها ماتمسح بين البلاطات
اخر شي طبعا انا هنا اتكلم عن تجربه شخصيه لي معها ،،
يعني ممكن بكره احد يشتريها ومايعجبه يقول ميمو قالت حلوه وماعجبتنا ،، انا اقولكم هي تجربتي وانا مرتاحه مره معها لذالك لكم حرية القرار ،، ولا الزمكم تاخذونها
نجي الان طريقة التنظيف واستخدامها ،،
طبعا هذي شكلها كامله ،، وترى فيه انواع واشكال لشركات مختلفه .. يعني انتبهو من شركه لشركه تختلف
انا اخذتها من محل بملبورن بتشادستون ،، لكن ما اعرف والله سعرها بكم بالضبط لانه من زماان واخذت اغراض كثيره
اعتقد امازون يوفرها لكم ،، والبنات قالو بعد بساكو موجوده
اول شي نفك هالصندوق الصغير عشان نعبيها مويه لانها ماتحتاج الا مويه عشان تنظف
نعبيه للاخير ،، ونبدا نشبكها بالكهرباء ونشغلها
وهنا عطانا انها جاهزه
عشان نخلي البخار يطلع منها واحنا نمسح لازم نضغط هذا الزر
وكل ماضغطناه ،، يطلع بخار حار يساعدنا مره بالتنظيف والتعقيم
انا صورت لكم البلاط الي بمسحه
قبل
شايفين هنا علامات الجزم وانتم بكرامه ووسخ
ونبدا نمسح
طبعا هي من تحت تجي قطعة قماش مثل المنشفه تساعدنا في المسح ،، ومن الجوانب تنزل البخار
وهنا بعد المسح ،،
اخر شي ،، بعض الاحيان ارش الارضيه بمعقم مثلا ريحته حلوه او اي بخاخ للارضيات قبل ما امسح
عشان بس يعطي ريحه حلوه
كتجربه معها اعتبرها حلوه ،، واغلب الايام استخدمها ،، ونتيجتها تعجبني ،،
وحتى لو رجعت للرياض باذن الله باخذها معي ،، وحتى لو عندي شغاله
اتمنى انكم تستفيدون من التجربه ،، والي عنده تجربه حلوه او سيئه معها يكتب لنا عشان الكل يستفيد
وشكرا
،،،
تعليقات
إرسال تعليق