حياكم الله ،،
هالبوست كثييير طلبوووه مني بالخاص وكثييير منتظريه اعتذرعلى التاخير ،،
وهو ملكه لاخوي ،،
اول شي الملكه كانت ببيت اهل العروس ملكه عائليه كان فيها الاهل والاقارب يعني ع الضيق على قولتهم ،، لان الزواج بعد شهر ،،
وحابه اوضح شغله البنت تقرب لي مره امها بنت عمتي عشان كذا نمون على اهلها وكآنها اختنا ،، والميزه بعد في عائلتنا ان لو احد عنده مناسبه نوزع الشغل ع الكل وكلن يجيب شي معه لذالك التعب مايكون كله على صاحب المناسبه وانا وخواتي وبنات عماتي كثير ماشاءالله لذالك نساعد بعض فهذي ميزه ،،
ثاني شي اغلب الاشياء الي بتشوفونها ترانا دافعين عليها من جيوبنا يعني لا اشوف احد يقول انه اعلان ،،
الحين نبدا ندخل بالتفاصيل ،، جهزو قهوتكم وحلاااكم ويلاااااا معي ،،
اول شي هذي الطاوله جهزوها اهل العروس نحط فيها صواني التقديم ،،
،وهنا بعد ،،
وتفضلووووو
ونبدا الحين ناخذ تفاصيل الصواني ،، فيه بعض الصواني ماصورتها لانه ما امداني للاسف بس بتكلم عنها ،،
اول صينيه صينيتي الي صفيتها ،، حابه اقولكم ان الروكي رود ماكنت انا وياه صحبه ابدا والله ،، لكن بعد ماجربت هذا
اقسم بالله طعمه قاااتل وخاصه اول مايوصل ريحته خيااال وكل الي بالشبكه سألو من وين ،،
طبعا هو من هالحساب بالانستقرام chocosa_sweets@
صاحبة الحساب انسانه جميله وطباخه وتصويرها جميل عشان كذا مو غريبه عليها هالابداع
وعجبتني البوكسات الي توصل فيها الروكي مرررتبه وجميييله
الصينيه الثانيه ،،
من هالحساب بالانستقرام treats_shop@
ترتيب وجمال وطعم لذيييذ ،، وعجبني فكرة خلية النحل
الصينيه الثالثه ،،
ميني تارت من مخابز سيزون دو بان اعتقد الكل يعرفه ،، يعجبني انهم يتميزون بطعم وشكل واسعار مناسبه للجميع
وطلبنا بعد تارت فواكه مشكل
وهذا حسابهم بالانستقرام saisondupain@
الصينيه الرابعه ،،
ميني لقيمااات شغل البيت لذيييذه وحلوه كفكره للتقديم ،، وبتنزل طريقتها بالمدونه بالتفصيل قريبا
الصينيه الخامسه ،،
بيتفورات من محل تاو الي بالعروبه هو مخبز صغييير مره وقديم شوي بس عليهم بيتفورات وغريبه رووووعه
الصينيه السادسه
قطع كيك صغيره مغلفه بالشوكلاته ومحشيه من محل اني وداني ،،
الصينيه السابعه ،،
لولي بوب الحلو فيه اسما العروسه والعريس واشكاله مميزه مره
من هالحساب specialchocola@
الصينيه الثامنه ،،
موالح مشكله وساندوتشات من كارميه ،،
وفيه صينية فراوله الي بالشوكلاته من تورتا ماصورتها ،،
وهذي توزيعات بعد العشاء
من محل بستاني بالثلاثين يطبعون لك اسم العروس والعريس على الشوكلاته الحبه اعتقد ب١٠ او ١١
وهذي توزيعات ثانيه
عليها الاسماء ،،
وفكرتها حلووه مره وغريبه من محل فن الشوكلاته بالثلاثين المحل جميييل جدا ،،
الحبه ب١٨
وهذي صينيه شوكلاته ،،
من محل بالثلاثين اسمه فلورا ،، وعندهم هالشوكلاته الي على شكل خواتم حلوه كتوزيعات
ونجي الان للكيكه ،، وهي اهم شي ،،
الكيكه من محل سيزون دو بان ،، التصميم تصميمنا يعني عطوهم اي صوره عندكم وهم باذن الله يسوون لكم نفس الشكل
وهذي هديه مني للي طلبو يشوفون لبسي بالشبكه ،،
كان جمب سوت مو فستان ،، بما ان الملكه ببيت وصغيره من محل مو معروف مره بملبورن ،،
وهذا الحلق من محل بدبي
وبكذا نكون خلصنا ،،
دعواتكم لاخوي ،،
انتظرونا ببوست الزواج باذن الله
،،،
تعليقات
إرسال تعليق