حياكم الله
اليوم معنا طريقة حلا من اسبانيا ومشهور باوروبا والبلاد الاتينيه
شورو churros
هو شكله مثل بلح الشام بس يفرق بالطعم ،، وطريقته جدا سهله حتى مكوناته مرره سهله ولا توقعتها كذا
طبعا وانا ابحث عن طريقته لقيت اكثر من طريقه لكن نفس الفكره تقريبا
وهذا شكله
اول شي مقاديره تخيلو يتكون من
كاس ونص ماء
وكاس ودقيق
فقط لا غير ،، يعني مانحتاج اي شي ثاني
فيه بعضهم يضيفون بيض لكن انا اخترت هالطريقه لان الاغلب مايحب البيض
واول شي نسويه نغلي المويه بقدر على النار
بعد ما تغلي نحط الكاس الدقيق ،، ونصب المويه المغليه فوقه ،،
ونصب المويه المغليه فوق الدقيق ،،
ونحرق بملعقه بسرعه لحد ماتتجانس تماما المقادير
اذا حسينا فيه كور العجين نخلطه بخلاط الكيك شوي لحد مايتجانس ،،
ونخليه يبرد على جنب ،، ونحط الزيت على النار ويكون زيت حار ،،
بعدها بقمع تزيين الكيك نحط الخليط ،، ونحطه بالزيت
طبعا الزيت حار مره لكن النار تكون متوسطه عشان لا يستوى من بري ومن داخل يكون عجين
نخليه مثل مانسوي باللقيمات
طبعا شكل الشورو على كيفنا بالعاده يجي اصابع طويييله مره وكلن حسب رغبته
وقت التقديم تقدرون ترشون الشورو بسكر بودره او سكر مع قرفه او اي نكهه تحبونها
في ملبورن يحشون الشورو من داخل بنكهات كثيره وطعمها لذيذ مره
مثلا كاسترد من داخل وفيه عندهم شورو مالح وشورو حالي
وتقدرون ترشون شوكلاته سايحه او تغمسونه بنوتيلا او هيرشي
وحلاته تاكلونه وهو حار ،،
وبالعااافيه عليكم ،،
،،
تعليقات
إرسال تعليق