السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم 4 وصفات رائعة ومتنوعة للبطاطس بالخطوات المصورة
4 وصفات رائعة ومتنوعة للبطاطس بالخطوات المصور
للاخت اميرة بأخلاقي جزاها الله عنا كل خير
مقادير وطريقة تحضير 4 وصفات رائعة ومتنوعة للبطاطس بالخطوات المصورة
الوصفة الاولى : بطاطس شيبس
لي عزيزة تقريبا على كل الوليدات لي هيا الشيبس
مقاديرها بساط و كتجي غزاالة و نقية احسن من تاع برا
المقادير
بطاطا /ملح / شوية الخميرة تاع الحلوى
نغسلو بطاطا و نقييوها و نقطعوها بهاد القطاعة ضروري و الى مكانتش
ممكن نستحملو موس الاقتصادي خاصها تكون رقييقة
نديروها فماء فيه شوية الملح و الخمييرة و نخلييوها لمدة ساعة
ضروري هاد الخطوة باش يمشي منها النشا و تجي مقرمشة تم
نصفيوها و نبداو القلي خاصنا نرميو وحدة بوحدة باش ميتلاصقوش و نار تكون مهييلة
باش ميتحرقوش و يجيو مقرمشين ولي عندو الفريتوز يدرها على درجة150
وهاهي بالصحة و الراحة بنينة و نقيا ههه احسن من تاع الزنقة
الوصفة الثانية : البطاطا بالقزبر و الحامض و الثوم
تقريبا هيا وصفة سورية ساهلة و بنيينة
المقاديير
2 بطاطات مقطعيين مربعات/ثوم/قزبرمقطع/ملح/ابزار/عصير حامض/زيت الزيتون
الطريقة
نسلقو بطاطا فماء مملح لمدة 2دقائق تم نصفيوها
ونديرو مقلاة تسخن مع زيت الزيتون تم نضيفو بطاطا و نخليوها
تحمر حتا تكمل طيابها زيت ميكووونش كثيير منين تقرب طيب نضيفو التوابل
والثوم و القزبر حتا تنسجم كل المقاديير
نطفيو عليها و نعصرو عليها نص حامضة
وهاهيا واجدة بالصحة و الراحة
الوصفة الثالتة : بطاطس صغييرة بصلصة الطماطم و الاعشاب
وصفة زويينة و خفيفة تاع الصيف هههه
المقادير
1/2 كلغ بطاطا صغييرة/4 مطيشات صغار او 3 كبار/توم/عصا موسى/ازير/زعيترة/زعتر/ربيع مكرض/ملح/بزار/تحميرة/زيت الزيتون/معيلقة مطيشة الحك
الطريقة
نقطعو مطيشة ارباع نوضعوها فكميلة مع رشيشة ملح و شوية الماء و نغطيو عليها على نار مهييلة
منين طييب نطحنوها فطحانة مطييشة نسلقو البطاطا فماء مغلي نصف سلقة ونقشروهاا
في ايناء تيدخل الفرن نخلطو مقاديير الصلصة مع نصف كاس ماء
تم نضيفو ليها البطاطا لي قشرنا و نخلطو كلشي مزيان نغطيوها ببابي المنيوم و ندخلوها للفرن
شي نصف ساعة تقريبا او حتا طيب بطاطا مزياان
وهاهي واجدة بالصحة والراحة
الوصفة الرابعة : بطاطس في الفرن
المقادير
بطاطا /ثوم الى كان بودرة احسن/زعيترة/زعتر/ازيير/ملح/تحميرة/سودانية اختيارية/2معالق كبار زيت الزيتون صافيي خفييفة هه
نغسلو بطاطا مزيااان و نبداو نقطعو فيها على شكل اصابع مع الاحتفاظ بالجلدة
بلا منقيوها كل حبة بطاطا غادي تعطينا 8 الاصابع
نوجدو مقادير التتبيلة و نخلطوهم مع بطاطا مزييان و نستفوها فايناء تيدخل للفرن
خاص كل وحدة بوحدها بمعنا ميكونوش ملاصقيين باش يتحمرو مزيااان
ندخلوهم الفران خداو ليا نصف ساعة بالضبط و نتوما راقبوهم
هاهوما بالصحة قدمتهم مع المايونييز والكيتشب جربوهم راهم بنان
وعوضو بيهم الفرييت اي اكلة تديرو معاها الفرييت جربو هاد الوصفة
تعليقات
إرسال تعليق