من الأشياء الأساسيه في بعض الحلويات
وله عدة إستخدمات مثل
تغطية الكيك بأنواعه ويعتبر تغطية مثالية للموس شوكلت كيك
حشوة للتارت
أساس لعمل الترفل عند تبريده
عند التبريد ممكن يوضع في قمع للتزيين ونزين فيه
في النوع الخفيف منه ممكن نخليه دافي ونستخدمه كـ آيس كريم صوص
وغيره من الأشياء
الطريقة والمقادير مع بعض
أول شي نجيب 200 جم شوكولاته تكون نسبة الكاكاو فيها 60 - 70 % أفضل شي
في أنواع كثيرة مثل ليندت وغيرها متوفره
نقطعها لقطع صغيره عشان تذوب بشكل أسرع
ونحطها في صحن عميق عشان بعدين نصب عليها الكريمة
ع النار حطيت ثلاثة أرباع كاس كريمة خفق
إذا كان متوفر كريمة قصيرة الأجل أفضل
أول ما تغلي نشيلها من ع النار ونضيفها ع الشوكولاته
ونخليها دقايق عشان الشوكولاته تذوب وبعدين نبدا نحركها بالملعقه لما تذوب تماماً
وبس هذا هو الشوكلت جاناش
فإذا تبونه خفيف ممكن تقللون من كمية الشوكولاته وتخلونها 150 أو 100 جم
ملاحظات مهمه
ممكن في الشوكلت جاناش نحط شوي زبدة مع الكريمة وهي تغلي عشان تعطيه لمعة
ممكن بعد نضيف شوي من الكورن سيرب عشان نخليه يلمع
أنا أفضل وأعشق الدارك شوكلت في الجاناش
بس في ناس تحس يبيله سكر
فممكن تضيفون سكر ع الكريمة وهي تغلي عشان يذوب
ممكن استبدال الدارك شوكلت بشوكولاته بالحليب أو أي نوع آخر
لكن هذا بيخفف من الجاناش فالأفضل تزيدون كميته
تعليقات
إرسال تعليق