الكيك الاول الابيض : 4 بيضات + كاس سنيدة عنبة + قبصة ملح + نص م ص خل + م ك الما عادي ونطرب مزيااان + نص كاس زيت + نص كاس زبدى دايبة ونطرب مزيان + فاني اوقشرة ليمون او حامض + 3 كاس دقيق مغربل مع 2 خمارة ونص وفلون عادي اختياري - كيكون الخليط تقيل –
ندهن اللاطة مربعة او مستطيلة بالزبدة ونرش بالدقيق ونخوي الخليط ..... - يكون الفران سخون شوية 5 دقايق ويكون ويكون 150 درجة
الكيك الثاني : نفس المقادير غادي نغير غيرفي الدقيق يكون 2 كاس ونص + نص كاس بودرة الكاكاو - يكون الفران سخون شوية 5 دقايق ويكون 150 درجة وندخلو يطيب
مللي يبرد الكيك مزيااان نحيدها من المول ونديرها في المجمد 30 دقيقة
ونقسمها على 3 طبقات او 4 حسب السمك ديالها : نفلح بالموس ونكمل بالخيط ونقيم الشرائح اللي قطعت على شكل مستطيلات سمكها سنتيم ونص
اخد كونفتير ما يكونش خفيف بزاف ونطربو مزياان وندهن الجوانب ديال الكيك
الطبقة السفلى : ونبدا نحط شريط ابيض و شريط اسود ونلصق بيناتهم بالكونفتير ومللي نكمل الطبقة السفلى ندير طبقة ندهنها كولها بالكونفتير ونبدا نحك الشرائح لكن بشكل مخالف : يعني شريط ابيض فوق شريط اسود وهكدا ......
مللي نكملها ندخلها المجمد وندير ليها الكلاصاج ديال الشكلاط
الكلاصاج : رابعة الشكلاط في حمام مريم + نص كاس عنبة حليب + م ص بودرة الكاكاو ونطرب بطراب يدوي حتى يولي الشكلاط مخفف ونخليه يبرد شوية وعاد نخويه عليها من الفوق كاملة حتى تغطى كلها ونرشها بالباسطة محكوكة او باللوز او الكاوكاو محمر ومهروش ايفيلي او الشكلاط ابيض محكوك او الكوك او نخليها هكداك
وندخلها للثلاجة تبرد شوية
الوصفة بالفيديو:
تعليقات
إرسال تعليق