السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم طريقة تحضير الروز بالدجاج والخضر صحي ولذيذ بالصور
مقادير الروز بالدجاج و الخضر
صدرديال الدجاج مقطع شرائح طوال , بصلة مقطعة طويلة، بروكولي، ففلة حمراء مقطعة طويلة، 2خيزوات مقطعين طوال ،كرعة خضراء مقطعة، شوية ديال الثوم ، نصف كاس من صلصة الصويا ،شوية من سكين جبير,إبزار, معلقة صغيرة من مطيشة ديال الحك ،الارزبسمتي لقياس لي يكفينا
طريقة تحضير الروز بالدجاج و الخضر
تانقليو البصلة شوية من بعد تانظيفو صدرديال الدجاج لي درناه فزلافة فيها 2 معالق كبارديال مايزينا مع شوية ديال الماء و غير تانهزوه و تانزيدوه على البصلة بلا مانعاودو نغسلوه ونخليوه يتقلى شوية من بعد نزيدو الثومة مطحونة و خيزو ونخليوه يتقلى شوية ونزيدو البروكولي وحتى هو نخليوه يتقلى شوية و نزيدو الفلفلة ونحركو شوية ونزيدو الكرعة من بعد نزيدو صلصة الصوجا و شوية ديال الإبزار و شوية ديال سكين جبير و شوية ديال الملح و مطيشة ديال الحك و نصف كاس ديال الماء و نخليو كولشي يطيب
وتاندوزوللروز
تانديرالروز فالماء ونخليه شي نصف ساعة يفزك
تاندوب شوية ديال الزبدة و نضيف الروز للي قطرناه من الماء, تانبقى نحرك الروز مع الزبدة شي 2 دقايق من بعد نزيد لماء (لكل كاس روز كاس من الماء )و ندير الملح و غير يبدا يطبخ ننقص البوطة فخطرة و نسد الكميلة و نخليه يطيب على خاطرو
والصور توضح اكثر
وهاهو الروز بالدجاج والخضر واجد بالصحة والراحة
تعليقات
إرسال تعليق