السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم
طريقة عمل الكعك التركي بالخطوات المصورة
من الاخت كريمة جزاها الله عنا كل خير
أولا وقبل ما نزل المقادير أنا لقيت هاد الوصفة وقلت نجربها هي جات زوينة وبحال القطن
من الداخل بحال البريوش وتسمية الكعك لأنو الشكل ديل الكعك وكذلك تعمل في
السمسم "الجنجلان"وتجي مقرمشة شوية ولكن أنا جاتني فيها الجنجلان بزاف لذلك انصح إلي بغات تجربها تذهن الوجه وترش غي شوي جنجلان من الفوق
مقادير الكعك التركي
500غ فرينة "طحين أبيض "
120مل حليب
120مل زيت
مل150 ماء دافئ
120غ سكر
1 بيضة
كيس سكرالفاني
ملعقة كبيرة خميرة الخبز
ملعقة كبيرة حليب غبرة
ملعقة كبيرة زبدة
ملعقة كبيرة خميرة الحلوة
شوي ملح
للذهن بيضة مضربة ونضيف لها شوي قهوة نسكافي مدوبة ف القليل من الماء الساخن ممكن عمل أصفر البيض فقط
الجنجلان أو السمسم للتزين
طريقة عمل الكعك التركي بالخطوات المصورة
نبدأ بعمل الخميرة مع ملعقة كبيرة سكر والقليل من الماء الدافئ ونخليها واحد 10 دقايق
نضع الحليب مع الزبدة يسخن
نعمل في إناء كل المكونات الناشفة الطحين +الملح+خميرة الحلوة+السكر+الحليب غبرة
نضيف الزيت والبيضة ونخلط نعمل الزبدة والحليب إلي سخاناهم
ثم نضيف الخميرة من بعد ماتكون تكثلت ونخلط من جديد
ونضيف الماء الدافئ ونخليها تعجن مزيان مدة 10 دقايق من بعد نجمع العجين ونعملو في إناء نخليه يخمر مزيان واحد الساعة
من بعد ما يخمر نشكل منو كرات من غير مانخرج منو الهواء نحاول نعمل كرات صغار بنفس الحجم
نأخد كل 2 كرات نشكلهم على شكل حرابيش مثل ما مبين في الصور
نلصق الرأس مع بعضهم ونضفرهم ونجمعهم على شكل كعك نعملهم في صيني ونخليهم يخمرو من جديد واحد 15 دقيقة
ثم نضع الوجه في خليط البيض ونسكافي ونرش بالقليل من الجنجلان أحسن من انو نغطسهم ونكونو مسخنين الفرن قبل
ندخلهم الفرن 180° حتى يتحمرو مزيان ويتقدمو مع العسل أو المربى لذة لا تقاوم وبالصحة والراحة
ثم نقدم الكعك التركي مع العسل أو المربى لذة لا تقاوم وبالصحة والراحة
تعليقات
إرسال تعليق