السلام عليكم ورحمة الله تعالى وبركاته
صباحكم مبروك اخواتي ان شاء الله تكونو بخير كولكوووووم.
هاد الصباح بغيت نشاركم بوصفة معتمدة عندي .جربتها والصراحة نتيجتها عجباتني بزاف.
دائما وابدا وصية لنفسي ولاخواتي مافيها باس نتهلاو فانفسنا مرة مرة ونحيدو العڭز ونوقفو تسجيل الوصفات بلا مانطبقهم.
موادها موجودين في اي بيت مغربي:
نحتاج للخميرة ديال العجينة+تحميرة+صابون بلدي+جوج پلاستيكات+وجوج تقيشرات.
كندوب الخميرة فشووووووية الماء نخليها تخمر غير شوية ونخلطها مع التحميرة والصابون البلدي وندهن رجلي بالخليط ونلبس پلاستيكات ثم تقيشرات
ملحوظة راه ملعقة صغيرة غتقدكم ويشيط الخير عنداكم تكترو
ونعمل شغلي في داري شي نصف ساعة غتلاحظو ان رجليكوم كيعرقو من بعد نصف ساعة دخلو للحمام ورشو رجيلاتكم بماء سخون وحكوهم بالحجرة الخاصة بالڭدام والضفار بالشيتة حيث اكيد غيدخل لهم الخليط وفي الاخير شللوهم وعاودو بشوية الصابون والماء ونشفوهم ودهنوهم باي مرطب عندكم انا كنفضل عزيزي الڤازلين ولبسو تقيشرات وكملو على شغلكم.
هاد العملية ديريها 2 مرات في الاسبوع وغتلاحظي ان الرجيلات ولاو رطبييييييييييييين وحميمريييييييييييييين ولي عندها تشققات غيبداو يحيدو لكن مع المداومة .
وفي الاخير كنتمني لكم نهار مليء بالطاعات وماتنساوش اختكم من الدعاء ودآآآائما لكن اجر مضاعف.
تعليقات
إرسال تعليق