زعلوك الدنجال بمطيشة - هدى اليداري
ناخد 5 الدنجال يكون صغير من الاحسن نشويه فوق البوطة حتى ترطاب الجلدة نديرو في بلاستيك و نسد عليه
و نشوي 3 فلفلة ونديرها حتى هي في بلاستيك
2 مطيشة كبار نشويها ونديرها حتى هي في بلاستيك
4 ثوم نشويها حتى هي
نقي كولشي بدون ما نغسلوه ونقطعهم مربعات صغار
مطيشة نقطعها بالزريعة ونديرها مع الثوم مع الزيت العود تقريبا نص كاس + الربيع ونشحر حتى دوب مطيشة + هبرة نص مصير مقطع رقيق + فلفلة مربعات ونشحر شوية ونضيف الدنجال + م ص كامون + ملح + م ك عصير الحامض + نص م ص تحميرة + سودانية او هريسة راس م ص بدون ابزار ونشحر مزيااان حتى ينشف مزيااان وتبقى غير الزيت ويبدا يتلصق عاد نطفي عليه ونضيف م ك زيت العود وشوية الربيع + نص م ص الكامون + م ك عصير الحامض ونخليه نص ساعة عاد نقدموه
تعليقات
إرسال تعليق