طريقة عمل المشاط الفلسطيني او عجة البيض والزهرة

طريقه عمل الشاورما السوري 
طريقه عمل شاورمه الفراخ او اللحمه في العيش السوري 

المكونات: تكفي شخصين

وقت التحضير: 15 دقيقه

وقت الطهي : 15 دقيقه

المكونات:

300 جرام لحم او فراخ (صدور)

1 ثمره طماطم

1 بصله

1 حزمه بقدونس

ربع معلقه سماق

2 عيش سوري او ممكن عيش تورتيلا ميكسيكي

ملح  وفلفل

3 معالق كبيره زيت زتون

1 خيار مخلل

3 معالق خل عنب احمر(اهم ما في الموضوع)

3 فصوص ثوم مهروس

ربع معلقه بابريكا

ربع معلقه زعتر

ربع معلقه حبهان

ربع معلقه قرفه بودر

معلقه مسطرده

معلقه دبس رمان

طريقه العمل:

1-نقطع اللحمه او الفراخ تقطيعه الشاورما صوابع

ونتبلها بالملح والفلفل والثوم والقرفه والحبهان والزعتر والبابريكا وخل العنب وزيت الزيتون والمسطرده

لمده نص ساعه بس لان لو فضلت اكتر من كده ف التوابل هتنشف عالنار

2-نقطع البصل شرايح ونخلي الطماطم من القلب ونقطعها صوابع

ونقطف ورق البقدونس مش لازم نقطعه ونقلب الخضار  علي بعض ونحط عليه السماق

3-في طاسه سخنه عالنار بدون زيت او اى حاجه  تحط فيها العيش بس يسخن عشان نعرف نلف السندوتش

نفرد العيش بعد ما يسخن  ونحط عليه معجون الحمص 

  او ثوميه او مايونيز معلقه بس

ونحط خيار  مخلل شرايح ونسيبو ونروح نجهز الفراخ او اللحمه

4-نحط طاسه تيفال عالنار ونسخنها كويس ونحط 3 معالق بس زيت واول ما يبدأ الزيت يدخن نحط الفراخ او اللحمه

لازم يكون الزيت سخن ونفرد الفراخ في الطاسه كلها مايكونش فوق بعض عشان ماتنشفش وكمان تاخد طعم الشوي

ويبقي لونها كويس. مانقلبش الفراخ الا لما تاخد لون بني كويس بعدين نقلبها مره واحده بس اول ماتلون من الناحيه التانيه

نحط الخضار  عليها  ونقلب تقليبتين  وبعدين نحط دبس الرمان  وبعد دقيقه بالظبط نرفع من عالنار

لو الفراخ او اللحمه  فيها اى سوائل ممكن نصفيها 

5-ونحط الفراخ او اللحمه في الساندوتش ونلفه كويس

وفطاسه سخنه مافيهاش زيت او اى حاجه  نحط الساندوتش بعد ما نلفهاو ممكن علي شوايه  لحد ما يتلون من بره ((عشان يتقفل ممكن نقفله بمعجون حمص او مايونيز من علي حرف الساندوتش)) 

ويتقدم مع كاتشب  ومايونيز او ثوميه وبطاطس محمره ☺ 

وبالهنا والشفا