السلام عليكم ورحمة الله .. هذي طريقة المارشمالو (خدود البنات) شبيه بالجاهز .. وطبعا مثل معظم الحلويات بتاخد شغل .. بس بيفرحوا عليها الاطفال كتير .. وخصوصا اذا قطعتيها اشكال او اضفتي لها ألوان .. وممكن توزيعها بأكياس صغيرة لكل طفل كيس .. وأفكار كثيرة بتقدري تتفنني فيها .. وبعد وصفات عديدة بتطلب اضافة المارشمالو .
.
المقادير:
2 كوب سكر
½ كوب ماء
2 م ط كوب كورن سيرب او عسل
¼ ملح
2 م ط جلاتين (كيس الجلاتين = ملعقة طعام قياسية)
½ كوب ماء بارد
1 م ص فانيليا
ربع كوب سكر ناعم
ربع كوب نشا
الطريقة:
اخلطي السكر الناعم والنشا .. جهزي صينية المنيوم او بايركس لا يهم ادهنيها بالزيت جيدا ثم رشيها بخليط السكر والنشا .. انا استخدمت المصفاة فغطت الصينية بشكل متساوي .. ( مهم جدا تغطي الصينية كلها لأن اذا لصق المارشمالو صعب تشيليه .. انا جربت النايلون وورق الشمع اذا غير مدهون بيلصق المارشمالو) .. احتفظي بباقي خليط السكر والنشا لتشكيل المارشمالو .
ضعي السكر ونصف كوب ماء والكورن سيرب أو العسل والملح في جدر على نار متوسطة حركي قليلا حتى يذوب السكر لا تحركي بقوة او بسرعة .. عندما يبدأ بالغليان لا تحركي المزيح واتركيه يغلي لمدة 12-15 دقيقة .. اذا عندك ميزان حرارة حتى تصل الى 380 فهرنهايت او 100 مئوي تقريبا .
في أثناء غليان السكر .. ضعي في صحن الخلاط نص كوب الماء البارد ورشي الجيلاتين فوقه او العكس ما يفرق .. وقلبيه بشكل بسيط لا تحركي بقوة ولكن مجرد تقليب بسيط حتى لا يتكتل .. اتركيه يرتاح حتى ينتهي مزيج السكر عن النار .
ارفعي مزيج السكر عن النار وشغلي الخلاط على سرعة متوسطة اقرب للبطيئة وصبي السكر المغلي على مهل - بحذر في الخلاط وانتبهي لا تحترقي – حتى ينتهي المقدار ثم ارفعي سرعة الخلاط على اعلى درجة ..
واتركيه لمدة 10-12 دقيقة تقريبا حتى يتضاعف حجم سائل السكر ويبرد صحن الخفق نوعا ما .. في اخر مرحلة ضيفي الفانيليا (والالوان اذا بتحبي وممكن لكل لون تضيفي نكهة مثلا لون اصفر نكهة الليمون لون وردي نكهة الفراولة .. وهكذا).. ما تزيدي الخفق كتير والا صعب تشكليها لازم تكون فيها شوية سيولة (في الصور ادناه مراحل الخلط) .
صبي خليط المارشمالو في الصينة وساوي السطح اذا كان ثخين جدا استعملي ملعقة او سباتيولا ادهنيها بالزيت وافردي فيها .. ورشي السطح بخليط السكر والنشا وغطيها بنايلون حاولي ما يلصق بالمارشمالو .. اتركي المارشمالو يرتاح ويشتد لثاني يوم او مدة لا تقل عن 6 ساعات .
التشكيل:
1) اقلبي المارشمالو على سطح مرشوش بقليل من خليط السكر والنشا .. قطعي المارشمالو مربعات بالمقص او بقطاعة البيتزا بعد دهنها بالزيت .. رشي ملعقة من مزيج السكر والنشا على المارشمالو وغلف القطع من جميع الجوانب حتى لاتلتصق ببعضها .. اخلطيهم بيدك او ممكن تغلفي قطعة قعطة لكن بياخد وقت .. ازيلي الزائد من السكر والنشا عن المارشمالو .. اقدميها كما هي او اغمسي نصفها بالشوكولا .
2) او قطيعها اشكال .. لكن الافضل ان يكون سماكة المارشمالو قليلة تقريبا 1 سم حتى يسهل تقطعيها وتظهر الاشكال بشكل حلو (اذا حبيتي هذي الطريقة ممكن تقسمي المقدار على صينيتين واحدة سميكة تقطعيها مربعات والثانية رفيعة للقطاعات) انا قطعتها وهي سمكية لكن شكلها ما كان كتير مرتب .. وممكن تزينيها بالسكر الملون بمسح القطعة بماء خفيف جدا ولصق السكر عليه .. انا جربت السكر الخشن الملون لكن الاولاد ما حبوها كتير (موجود المارشمالوا بالسكر الملون الصورة ادناه القياس الصغير) .
3) ممكن وضع المارشمالو في كيس حلواني رشيه أو ادهنيه زيت من الداخل حتى لا يلصق المارشمالو واعملي شكل عصا اسطوانية طويلة (انا استخدمت كيس الفتحة صغيرة فكان العرض ضعيف الافضل تستخدمي كيس الفتحة كبيرة حتى يصبح شكلها مثل الجاهز بعد تقطيعها)
ان شاء الله تعجبكم الوصفة .. وصحتين .
ملاحظة .. اذا تبيها أجمد من النتيجة اللي حتحصلي عليها ممكن تضيفي نصف م ص جلاتين .. واذا تبيها ألين ضيفي ربع كوب ماء على السكر .
تعليقات
إرسال تعليق