السلام عليكم .. هذي الحلوى مافي طفل ما يحبها والكبار بعد يحبونها .. وطريقتها سهلة وايد وما تاخد وقت وممكن تخلي اطفالك يسوونها بس انت اشرفي على خطوة التسخين عالنار .. وعن تجربة ما يبقى شي منها لثاني يوم ..
المقادير:
علبة جلي/جلو صغيرة
كيس جلاتين سادة = 1 م ط
ثلث كوب ماء + 1 م ط ماء
قوالب ثلج او بلاستيك او مطاط
سكر (اختياري)
الطريقة:
في جدر اخلطي الجلي والجلاتين والماء - والسكر اذا حبيتي انا ما اضيف سكر - وقلبيه .. ضعيه على نار هادية وحركي لمدة 3-5 حتى يذوب كل الجلي .. استخدمي اي جلي متوفر واي لون واذا سويتي عدة الوان بعد تطلع وايد احلى .
اول ما تخرجيها من القالب بتكون تلصق باي سطح .. ضعيها على صينية او شبك التبريد واتركيها من ساعة لساعتين حتى تجف .. ثم قدميها وصحتين على قلوب أطفالكم .
القوالب:
بامكانك استعمال اي نوع من القوالب .. جميعهم تخرجي الجلي عن طريق النزع .. ولاحظت شي بعد انه اللي تسوينه بقالب البلاستيك يكون فيه لمعة واللي بقالب المطاط ما يكون يلمع .
قالب ثلج
من بو 100 فلس
ملاحظة: اذا ما عندك قوالب او مالك خلق .. ممكن تصبيها بطبق او صينية مربعة وبعد ما تشتد بالثلاجة قطعيها مربعات وقدميها .
عزيزتي مشاركتك تهمني وتشجعني على الاستمرار فشاركيني بأرائك واقتراحاتك
تعليقات
إرسال تعليق