طريقه عمل مربى البلح بطريقه الشيف حسن من برنامج الشيف حسن قناه MBC مصر

طريقة عمل اكلات مصريه شعبيه
 الممبار طريقة الممبار التنظيف مع طريقة حشو الممبار - طريقة الطرب ( منديل الخروف ) - طريقة الكرشه محشيه بالارز واللحمه المفرومة - طريقة كرشه بالحمص
 
 اكلات شعبية مصريه بمناسبة اقتراب عيد الاضحى إعداد اللحوم بمناسبة العيد - ممبار - طرب - كرشة محشيه - الكرشة بالحمص
الممبار
طريقة عمل الممبار
 
المقادير : لعمل الممبار
كيلو ممبار
3 بصلات
شبت مقطع صغير - بقدونس مقطع صغير - كسبرة خضراء مقطعة صغير
 ملح - فلفل - كمون
 3 طماطم كبيرة
3ركوب ارز- شطة ( لو عوزاة حراق )- 2 ملعقة سمن
اولا :طريقة تنظيف الممبار
- اول حاجة تشيلى الدهن بتاع الممبار و تغسلى الممبار جيدا و على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع طويل.

الحشوة : الممبار
الممبارنغسل الارز،نبشر البصل والطماطم و نحطهم على الشبت و البقدونس والكسبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن بالقمع- نحشي الممبار لثلثه بس بالخلطة و بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى 
 طريقة عمل الممبار
تتحضير طهى الممبار
 فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماء المغلى نلاحظ انها تنكمش و تتقفل من الطرفين و يترك على النار حتى ينضج - يصفي من ماء السلق و يحمر في الزيت ويقدم

بالهنا الممبار مطبخ حوريات
============================

الطرب ( منديل الخروف )
طريقة عمل الطرب ( منديل الخروف )
 
المقادير: الطرب ( منديل الخروف )
 منديل خروف 
كيلو لحم مفروم
1بصلة
معلقة بقدونس مفروم
 ملح- فلفل 
بهارات+1/4 كوب سمن


الطريقة : الطرب ( منديل الخروف )
تحضير الطرب ( منديل الخروف )
  يقطع المنديل قطع متساوية بالسكينة على شكل مربعات او مستطيلات - يفرم البصلً ويخلط مع اللحم المفروم والبقدونس والملح و الفلفل والبهارات- يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع تخينة نرص الطرب على الشواية او فى الفرن على الرف الشبك حتى يحمر لونه ويقدم
بالهنا الطرب منديل الخروف مطبخ حوريات

================================

الكرشة المحشية
طريقة عمل الكرشة المحشية راز ولحمه مفرومه
 
 المقادير:الكرشة المحشية 
كيلو كرشة (ضانى)
كوب ارز 
 كوب لحمة مفرومة
ربع كوب سمنة
يصلة كبيرة مبشورة 
 ملح وفلفل وبهارات+2 معلقة كبيرة بقدونس مفروم
الطريقة طهى الكرشة المحشية 
 تحضير عمل الكرشة المحشية
تنظف الكرشة وتقطعها ونسلقها (كما سبق شرحنا فى تنظيف الممبار) نغسل الارز ونضع علية البصل المبشور و اللحمة المفرومة والسمنة والملح والفلفل والبهارات والبقدونس المفروم ونقلب كله مع بعض كويس نخيط بالابرة والفتله كل قطعة من الكرشة من الثلاثة جوانب ماعدا جانب واحد نحشى فية شوية من الخليط ثم نخيطه هو كمان نضغط عليها بالشوكة نضع فى حله ماء لحد مايغلى ثم نضع فية معلقة ملح ونص معلقة خل ثم نضع الكرشة المحشية لحد ما لماء يغلى تانى .نهدى النار ونتركها لحد ماتستوى وبعدين نشيلها ونتركها لحد ماتبرد وممكن تروحى مقطعاها حلقات
وتقدم بالهنا الكرشة المحشية بالارز واللحمه المفرومة مطبخ حوريات

============================
الكرشة بالحمص
طريقة عمل كرشه بالحمص
 
المقادير:الكرشة بالحمص
كرشة مسلوقة و مقطعة قطع صغيرة 
كوب عصير طماطم 
بصلة متوسطة مفرومة 
نص كوب حمص (حمص الشام )مسلوق نص سلق 
معلقة سمن كبيرة 
نص راس ثوم 
ملح _فلفل _ كمون 
 كوب و نص من ماء سلق الكرشة

الطريقة عمل الكرشة بالحمص
تحضير طهى كرشة بالحمص
نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين ،و بعدين نحط عصير الطماطم و على نار متوسطة لحد الطماطم ما تتسبك و دة طبعا بانك حتلاقى لونها اتغير و تقلت اضع حوالى كوب و نص من الماء اللى سلقت فية الكرشة اللى الحلة و الملح والفلفل و الكمون و نسيبها لحد ما الماء اللى حطناة تغلى نضع الكرشة المسلوقة المقطعة فى الحلة و نقلب و نسيبها على نار هادية لحد ما تستوى و هى مش بتاخد كتير يعنى حوالى 20 دقيقة مثلا وتقدم
 بالهنا الكرشة بالحمص مطبخ حوريات






المفاتيح : طريقة عمل ممبار محشى ، طريقة عمل الطرب منديل الخروف ، طريقة طبخ الكرشة المحشية ، طريقة طهى كرشة بالحمص ، تحضير اكلات شعبية مصريه ، كيفية عمل الممبار وطريقة التنظيف الممبار ، كرشة بالحمص وكرشة محشية بالخطوات ، طريقة عمل الممبار المصرى ، طريقة عمل الطرب اللى عند الحاتى ، طريقة عمل كفتة الطرب ، طريقة عمل الكرشة بالصلصه مع الحمص ، طريقة كرشة بالدمعة والحمص ، طريقة طبخ الكرشه ، طريقة عمل الكرشة بالحمص والطماطم ، الكرشة المحشيه باللحم والأرز ، طريقة اعداد الكرشه المحشيه،