السلام عليكم ورحمة الله تعالى وبركاته
موقع جميلة لكل ما يهم المراة المغربية والعربية يقدم لكم اليوم احبتي في الله طريقة تحضير كيك بالموز والكراميل بالخطوات المصورة في الورقة التالية ...
يسعد مطبخ جميلة اليوم قبل طرح الوصفة التطرق لفكرة مطبخية معتامداها انا شخصيا خاصة بالموز.
بعض الاحيان خصوصا ملي تيكون الموز متوفر بكثرة في البيت كتحتار السيدة في طريقة الحفظ ديالو باش ما يفسدش في هده الحالة ما عليك غير تزولي ليه القشر ة وتعمليه مباشرة وبسرعة في بلاستيك غدائي بشكل فردي يعني كل موزة لوحدها وبلا ما دهنيهم بالحامض وجمعيهم في علبة ودخليهم للمجمد وعند الحاجة استعملي الموز مباشرة وهو مجمد ولكن غير للعصائر والحلويات صدقيني ما تيتغيرش لونه
المقادير
- 3 بيض
- 60 غرام زبدة لينة
- 2 م ك عصير الحامض
- 2 م ك سنيدة (سكر)
- Une كيس فاني - Une كيس خميرة
- نصف كاس زيت المائدة
- 100 (150 الى غرام) دقيق
- 3 حبات موز
- 2 م ك حليب بودرة
الكراميل
كاس سكر (سنيدة) - 2 م ك ماء.
صلصة (اختيارية)
انا عملت كيس crème Vanoise بنكهة الموز السريعة التحضير وطريقة الاستعمال مشروحة في ظهر الكيس ممكن تستغناي عليها وممكن تعوضيها باي كريمة تفضلين
الطريقة
ضعي وعاء او قالب الكيك مباشرة فوق نار خفيفة به السكر وملعقتي الماء حتى يتحول السكر لكراميل وهو سخون حاولي بحدر ان تحركي القالب دائريا ليسيح الكراميل على جوانب المول من الداخل كما هو موضح في الصورة.ثم قطعي الموز لدوائر وعملي على رصها في قاع المول ورشي القطع ببودرة الحليب
خلطي مزيان الزبدة والسكر والفاني ثم الزيت من بعد اضيفي البيض مع التطريب ثم عصير الحامض ثم الدقيق والخميرة في اخر المطاف ثم فرغي العجين فوق قطع الموز ودخلي الكيكة لفرن متوسط الحرارة
عند خروج الكيكة من الفرن قلبيها مباشرة في طبق التقديم وخليها جانبا لتبرد عاد قدميها بالصحة والراحة
لا تنسوني وعائلتي من خالص الدعاء
تعليقات
إرسال تعليق