السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم جديد حلويات و شهيوات رمضان : حنيفيات بشكل جديد وراقي
للأخت نجاة جزاها الله عنا كل خير
جديد حلويات و شهيوات رمضان : حنيفيات بشكل جديد وراقي
مقادير حنيفيات بشكل جديد وراقي
250 دقيق
65 زبدة لينة
خمارة حمراء
فاني
قبصة ملح
معلقة كبيرة ماء زهر
معلقة كبيرة كاكاو
حليب دافي
مايزينا لتوراق
طريقة تحضير حنيفيات بشكل جديد وراقي بالصور
وضعت الدقيق و الخميرة و الفاني و الملح في اناء ضفت لهم الزبدة
بسبستهم ثم جمعت العجينة بالحليب و ماء الزهر
قسمت العجينة على 2 ضفت لنصفها الكاكاو باش نحصل على عجينة بنية
طلقت العجينات بجوج على شكل مستطيلات متساوية
الطول ديال المستطيل ما يكونش كبير بزاف باش مايجيوش الحنيفيات كبار تقريبا فيهم 30 سنتيم في الطول
عملت النشا مزيان على العجين الأبيض ثم وضعت فوق منو العجين البني
رشيت كذلك على العجين البني بالنشا مزيان و لويتو على شكل رولو
و في أخر العجين دهنتو بأبيض البيض باش يلصق
قطعت الرولو مائل مزيان قطع رقيقة خذيت قطعة العجين ضغطت عليها في الوسط بالمدلك
من الأحسن يكون مدلك صغير تنضغط حتى يتحلو الجوانب تنزيد نحلهم مزيان باليد
تندوز بالمدلك على النصف في الاتجاه لي مايلة له التقطيعة
تنوضع مرة اخرى المدلك في الوسط و تنضغط به لجهة المعاكسة
يعني جهة تتشوف ليمين و الجهة الاخرى لليسار
ثم قليتهم في الزيت و تنبقى نفرغ عليهم الزيت من الفوق بالمعلقة باش يتحلو الوريدات
و عسلتهم و زينتهم في الوسط باللوز مقلي و مهرمش
وها هي الحنيفيات بشكلها جديدة واجدة بالصحة والاحة
تعليقات
إرسال تعليق