السلام عليكم ورحمة الله وبركاته
الوصفة من تحضير الاخت أم أسامة وايمان جزاها الله خيرا
مقادير العسل بنكهة البرتقال
2 كيلو سكر سنيدة
عصير 1 كلغ برتقال مصفي
2 ساشيات أتاي ليبتون
1 ليمونة مقطعة ( حامضة )
1 ليتر ماء عادي
طريقة تحضير العسل بنكهة البرتقال
نخلط الماء مع السكر وعصير البرتقال ونعمل فيه قطع الحامض وليبتون وننزلهم على العافية مع التحريك مرة مرة
ليبتون غير نحصل منه على اللون لي بغيت ونحيدو وحسب كيف كتفضل العسل لونه غامق أو مفتوح شوية
نخليه يغلي على عافية مهييييييييلة ومرة مرة نحرك ونبدا نجرب نعمل معيلقة د العسل فطبسيل ونخليه يبرد وغادي يبان لي واش باركة عليه
أنا خليتو شوية خفيف حتى جيت نعسل الشباكية عاد خليتو يغلي شوية ويزيد يعقد
كيجي غزال بمذاق البرتقال الله يجازي خيرات الدارين للسيدة حليمة صاحبة الوصفة ويجعلو في ميزان حسناتها يوم القيامة
تعليقات
إرسال تعليق