حياكم الله ،،
اليوم بنسوي حلا الاوريو او حلا العلب او الجار الي هي علبه القزاز الي نسوي فيها الحلا ،،
سبق ونزلت هالطريقه بهشتاق الطبخ بالانستقرام وبنفس الهشتاق تلقون طرق وصفات كثيره لو حابين
تشوفونها تلقونها بهالهشتاق memokitchen#
وقررت اسوي هالحلا باخذه للكلاس معي بكره باذن الله،، لانهم طلبو مني يذوقون شيء من صنعي ،،
اول شيء هذي المقادير ،،
بعدها نكسر الاوريو واذا حابين تطحنونه براحتكم ،،
ونجيب قوالب التقديم ونحط الاوريو المكسر فيه ،،
انا هنا استخدمت نوعين عشان اوريكم افكار للتقديم ،، استخدمت الكاسات الورق والعلب الزجاج الي تنقفل
بعدها نحمس حليب نيدو بودره على النار
الى مايصير لونه ذهبي ،،
بعدها نحطه بالخلاط مع قشطة بوك او اي قشطه تحبونها ،، ودريم ويب ،، وفنجال سكر ،،واذا حسيتو انه ثقيل ضيفو له شوية مويه عشان ينخلط معكم بالخلاط ،،
بعدها نصب هالخليط في قوالب التقديم فوق الاوريو المكسر ،،
بعدها نجيب علبه نستله وثمان حبات جبن كيري ونخلطهم مع بعض ،،
ونصب هالخليط بالقوالب كمان ،،
وهنا صار جاهز الحلا عندنا ،، وندخله الثلاجه من بدري ،، والافضل قبل بليله عشان يكون بارد ،،
وهنا شكله بالجار ،،
وهنا لما فتحته ،، رشيت شوية كاكاو بودره عليه ،،
وهنا كل النوعين مع بعض ،،
وعلى فكره هالحلا سهل جدا ولذيييييذ مررره ،، وشكله حلو ومرتب ينفع كتقديم بحفله او عشاء بالبيت ،،
وبالعافيه عليكم ،،
،،
تعليقات
إرسال تعليق