حياكم الله ،،
اليوم معنا طبق جمييل جدا ،، وهو مشهور في بلاد الشام ،،
حمص باللحمه ،، والطريقه سهله جدا ،، وطعم مميز ولذييذ ،،
اولا معنا المقادير ،،
علبه حمص مسلوق
اربع ملاعق كبيره طحينه سايله
ليمونه
ملعقه ثوم
ملح - فلفل اسود
ونص كيلو لحم مقطع صغير جدا
زيت زيتون
صنوبر محموس
بابريكا مطحونه
شوية بقدونس مفروم
اول شي نبدا نحط الحمص المسلوق في الفرامه حق الاكل ،،
بعدها نحط الطحينه ،،
والليمون ،،
والثوم والملح ،،
ونفرمها فرم ناعم ،،
بعدها نخلي الحمص على جنب ،، ونجهز اللحمه ،،
نحط اللحمه مع شوية مويه وملح وفلفل اسود ونحمسها ع النار مثل اللحم المقلقل ،،
البعض يحط شوية زيت بدل المويه ويحمس اللحمه فيها ،، انا ماحبيت اني احط زيت وحطيت مويه ،،
ونخليها على نار هاديه لحد ماتستوي تماما ،،
وقت التقديم نحط الحمص بالصحن ،، ونسوي حفره بالنص ونحط اللحمه والصنوبر والبقدونس المفروم ورشة زيت زيتون واخر شي رشة بابريكا ،،
وحلاتها تاكلونها بوقتها بخبز عربي ،،
وبالعاااافيه عليكم ،،
،،،
تعليقات
إرسال تعليق