حياكم الله ،،
هالموضوع مفروض انه نازل من كم يوم ،، لكن بسبب ظروفي الصحيه تأجل ،،
بس الحمدلله قدرت انزله اليوم ،،
موضوع اليوم طبق صحي مرره ولذيييذ مرره الاشياء المستخدمه لوفات ،، ووحتى للي مو مسوي رجيم او شي زي كذا
انصحه يجربه لانه فعلا لذيييذ ومشهي ،،
poached eggs
وهو البيض المسلوق لكن بدون القشره الخارجيه للبيضه ،، يعني نفك البيضه كلها بمويه حاره ،، يستوي البياض من الخارج ويبقى الصفار لين من داخل ،، واذا حابينه يستوي اكثر خلوه اكثر بالمويه ،، لكن هي كذا اصلها تكون لينه من داخل ،،
الطريقه ماتاخذ منكم ١٠ دقايق ،، وتجربه ممتعه وسهله وحلوه ،،
اول شي هذي جزء من المقادير،،
استخدمت البيض مع الانجليش مافن ،، المافن بالبر الي اخذته لذيييذ مره ،، وتقدرون تغيررون بالخبز الي تحبونه ،،
اول شي نسخن المويه الحاره ونخليها تغلي ،، بعدها نخليها على نار متوسطه
لازم تكون المويه عميقه وحاره ،، ونضيف لها ملعقه خل ابيض ورشة ملح ،،
بعدها نفك البيضه بصحن مثل هذا عشان يكون سهل علينا نحطها بالمويه ،،
بعدها نحطها بالمويه ،، ونحطها بشويش .. يعني زحلقوها زحلقه بالمويه هههههه
البعض يسوي دوامه بالمويه بملعقه قبل لا يحط البيضه عشان الدوامه تخلي البيضه تلف على نفسها
انا ماسويت هالطريقه لاني احسها ضبطت بدونها ،، واذا تبون تفهمون اكثر جربو شوفوها باليوتيب
وهذا شكل البيضه لما بدآت تستوي وترى مرره ماتتآخر يمكن ثلاث دقايق وهي جاهزه
وهنا بعد ماطلعت ،،
ونخليها شوي ،، ونجهز الخبز ،،
الانجليش مافن حمصته شوي ،، بالحماصه وحطيت شوي زيت زيتون ،،
وهنا شكله بعد ماتحمص ،،
اول شي حطيت له جبن قليل الدسم وهذا نوعه وانتم تقدرون تضيفون الاضافات الي تحبونها ،،
بعدها حطيت شريحة طماطم ،،
بعدها حطيت جرجير حطيت من قبل على الجرجير ،، زيت زيتون وليمون وخل ،،
واخر شي حطيت البيضه ،، ورشيت عليها فلفل اسود وارقيانو ،، وملح ،، وهذا شكلها النهائي ،،
وهذا شكلها من داخل ،،
وبالعااافيه عليكم ،،
،،،
تعليقات
إرسال تعليق