السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم أروع وألذ خبيزات بالطون والزيتون بالصور
مقادير خبيزات بالطون والزيتون بالصور
مقاديرالحشوة:
الطون
بصلة مقطعة
الزيتون مقطع
فرماج محكوك
البصلة الخضارية (الحريف) مقطعة
-فلفلة
ملح + إبزار+ تحميرة
معدنوس
مقادير العجين
300غ دقيق
بيضة
شوية الملح
60غ زبدة
15غ خميرة معجونة
نصف كاس حليب
شوية ديال الماء
طريقة تحضير خبيزات بالطون والزيتون بالصور
في مقلاة تنشحرو البصلة الكبيرة في الزيت ديال الطون
من بعد نزيدو الفلفلة مقطعة
ثم نزيدو الحريف و الزيتون و نزيدو الملح + إبزار+ تحميرة و بلاما نطيبوهم بزاف
و نزيدو الطون و نخليو الخليط على جنب يبرد
ملي يبرد الخليط شوية نزيدو الفرماج محكوك و المعدنوس
نخلطو جميع مقادير العجين و نجمعو بالماء الدافئ ويكون العجين خفيف شوية و نغطيوه و نخليوه يستراح شوية
من بعد ميرتاح العجين نقطعوه كويرات مثل الصورة
وتنبسطو العجينة غير شوية و نحطو شوية من الحشوة و نجمعوها و نحطوها في الطاوة
ندهنوهم بأصفر بيضة و نرشوهم بالزنجلان و ندخلوهم للفرن
و هاهما الخبيزات بالطون والزيتون واجدين بالصحة و الراحة
تعليقات
إرسال تعليق