السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم بسطيلة بالكفتة و الخضر اقتصادية و لذيذة بالمراحل المصورة
مقادير بسطيلة بالكفتة والخضر
2 بصلات مشلضين
2 فلفلة حلوة حمرا مقطعة مربعات صغار
1 فلفلة خضراء مقطعة مربعات صغار
2 خيزو محكوكين
1 كرعة خضراء محكوك
200 غرام من الكفتة
والمكور أو الفرمسيل مسلوقة
شوية زيتون بلا عضم مقطع
شوية حامض مرقد مقطع صغير
الفرماج محكوك
التوابل: ملح؛ كمون؛ تحميرا؛ابزار حار
ربيع
شوية زيت وزبدة
كنور صغيرة
طريقة تحضير بسطيلة بالكفتة بالمراحل المصورة
في مقلاة نعملو زبدة والزيت ونزيدوا البصلة مشلضة والفلفل مع شوية ملح ونخليهم حتى يهبطو ونزيد خيزو والكرعة حتى يهبطو شوية ونزيدو الكفتة و التوابل
نضيفوا كنور والزيتون والحامض ونطفو عليها ونزيد هاذ الحشوة على المكور مسلوق ونخلط مزيان
ونبداو نعمرو البسطيلة ومننساوش نذهنوا بين الورقات بالزبدة مدوبة
ونزيدو الفرماج محكوك من الفوق كما في الصورة
ندخلوها للفرن تطيب
وشهية طيبة
تعليقات
إرسال تعليق