طاجين الكرعة الحمراء وسفرجل معسل
مقادير:
لحم غنمي
بصلة كبيرة مشلظة
3 بصلات مقطعين دوائر
3 ماطيشا مقطعين دوائر
معدنوس مربط
سفرجل حسب الطلب
عواد قرفة والتوبل اللازمة تحميرة +خرقوم + سكين جبير وقرفة وملح
نصف كاس زيت رومية او اكثر
الطريقة :
سفرجل نخسلوه بالماء والخل والشيته ههه لحقاش مغديش يتقشر
نعسلوه في طنجرة مع الماء الكافي وسنيدة تقريبا كاس سنيدة +شي عويدات القرفة ومعلقة صغيرة زبدة
نشحرو البصلة مع اللحم انا طيبت اللحم نصف طيبة في كوكوت مع التوابل وربطة معدنوس كنت مزروبة عاد حيدتو وشحرتو مع البصلة وحطيت من فوقو كل من الكرعة والبصلة دوائر والماطيشا وكل مرة نرش القرفة شوية ومعلقة صغيرة سنيدة وزدت المرقة لي طاب فيها اللحم خليتهم حتى طابووزينتهم بالسفرجل المعسل
ملاحظة ممكن الاستغناء عن الكرعة الحمراء ةالاكتفاء فقط بالكثير من البصل ..
تعليقات
إرسال تعليق