برغر الخضار
كوب برغل ناعم منقوع بنصف كوب ماء لمدة 20 دقيقةبصلة متوسطة
كوب حمص مسلوق
جزرة مبشورة
حبة بطاطا صغيرة مسلوقة نصف سلقة
بيضة
حبتين ثوم مهروسين
حبة فليفلة خضرة صغيرة
نصف باقة بقدونس مفروم
3 ملاعق طعام كعك مطحون
ملح فلفل بهار جوزة الطيب شطة أو فلفل أحمر أوريغانو
طريقة تحضير برغر الخضار
بتطحني كل المواد بماكينة اللحمة ما عدا البيضة والكعك المطحون والبهارات بعدين بتخلطيهم مع باقي المواد وبتمرريهم مرة تانية بماكينة اللحمة بتقسميهم لكرات كبيرة وبتحطيهم بالبراد ساعة بعد ساعة بتشكليهم على شكل برغر وبتحطيهم بصحن بينهم ورق زبدة وبتدخليهم على الفريزر حتى يجمدوا وبعدين فيكي تحطيهم بكيس نايلون وتحتفظي فيهم بالفريزر وتطلعيهم وقت تحتاجيهم أو فيك تقليهم أو تشويهم متل ما بدك اعملي سندويشة البرغر وضيفيلها الخس والبندورة والبصل والكتشاب والمايونيز وحتاكلي أطيب سندويشة برغر نباتية بتشهي بتمنى تعجبكم الوصفة وتجربوها لأنها رائعةملاحظة عند تشكيل البرغر حاولي يكون قرص البرغر سميك حتى ما تفرط معك وقت تقليها أو تشويها وكما لازم يكون بالفريزر قبل القلي أو الشوي
المصدر ( كورس كيك ومعجنات - yasmin sy )
تعليقات
إرسال تعليق