حياكم الله ،،
من زماااااان عن المدونه وعن الكتابه فيها ،، اعترف اني مقصره معكم لكن الثلاث اشهر الاخيره فعلا انشغلت مررررره فيها
وادري ان متابعيني الحلوين راح يعذروني ،، وباذن الله اني ارجع للمدونه مثل اول واحسن ،، احبكم
طبعا موضوع اليوم مثل ما انتم عارفين ومثل ما اغلبكم طلب مني اني انزل هالموضوع بالمدونه عشان ترجعون له في وقت
حاجتكم ،،
واليوم راح اتكلم باذن الله عن تفاصيل الجمعه والاغراض من وين اخذتها وتفاصيل اكثر ،،،
اول شيء حابه اعلمكم شغله اجتماع البنات تقريبا يصير اسبوعيا واذا تآخرنا كل اسبوعين او اقل ،، يعني هذا نظامنا
من تقريبا عشر سنين من عرفنا بعض ،، وهذا جمعاتنا ،،
لذالك الجمعه بسيطه مافيها تكلف وحلوه بنفس الوقت ،، وميزة صاحباتي اهم شيء حطي لنا حلى حلو وقهوه زينه
وعساك ماحطيتي عشاء مو لاااازم اهم شيء القهوه والحلا عندنا ،، يعني بالعربي راعيييين قهوه وحلا وسوالف :)
نبدا بترتيب الطاوله ،،
حبيت يكون الترتيب هادي وبسيط بس بنفس الوقت فخم ،، اخترت الذهبي مع الاخضر والبنفسجي ،،
حامل الشمعه هذا جمييل جدا اخذته من الهدايا الشرقيه له فروع كثيره بالرياض ،، وسعره ٤٢ ريال للحبه اخذت اثنين منه ،،
حامل المناديل من الهزاز الي عند الرياض غالري ،، مو متاكده من سعره بس يمكن ٣٥ او اقل ،،
والمناديل اخذتها من سوبر ماركت التميمي ،، الشموع كلها اخذتها من ايكيا ،،
وبوكيه الورد نسقته انا بمحل ،،
هذا شكل الطاوله بعد ماحطيت الاغراض عليها ،، ورتبتها ،،،
صحن الحلا هذا اخذته من الهزاز ب٥٥ ريال ،، وحتى الصحون الذهبيه الي فيها الحلا من الهزاز بلاستيك طبعا ،،
وطريقة الحلا سبق ونزلتها بالانستقرام كامله ارجعو لهالرابط
الصحون من هوم سنتر ،،
فناجيل القهوه من مصر اخذتها من سنيين ،، ومعها طقم للشاي وطقم عصير
والصينيه الذهبيه من هزاز الرياض ب٣٥ ريال
الميني لقيمات سبق ونزلت طريقتها بالمدونه
والانستقرام والاعواد والعلب من الهزاز
نجي الان للعشاء ،،
مينو العشاء كان ،،
رز بكريمة الزعفران ،، راح انزل طريقته بالانستقرام كامله الايام القادمه ،،
ورق عنب اعادة تدوير وطريقته سبق ونزلتها بالانستقرام هنا
اعواد الدجاج والروبيان
راح انزل طريقتهم بالتفصيل الايام الجايه ،، والاعواد كثير سآلوني من وين من الهزاز الي عند الرياض غالري
فكرة الاعواد سهله وبسيطه وحلوووه مره بالتقديم وعجب البنات مررره
سلطة جرجير بدبس الرمان
وساندوتشات الشاورما ،،
كاسات العصير من مصر ،، وحق العصير نفسه من سنتر بوينت ،،
اخر شي حابه اشكركم جميعا على تعليقاتكم الحلوه لي بالسناب او بالانستقرام ،،
يارب انكم استفدتو من الموضوع ،، احبكم
،،،
تعليقات
إرسال تعليق